Lukasi 9:60 - Sura Malelaha

⁶⁰ Nauli Yesu, “Pogiangaamide tomate motawu hangka tomatenda. Agaiana oio, laomoko mopahawe bambari kana i poparentana Pue Ala!”

Lukasi 9:60 Referans Kwoze

1 Timotiu 5:6

Agaiana tobemba au mohaoki peahe katana-tana, nuimbamohe mate nauri tuwo manihe, lempona matehe i lalu pepoinalainda.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Lukasi 15:32

Agaiana, hintoto mpuuke mosusa i katana-tana, lawi adimu au mate, tuwo hulemi. Matanta hangkoia, agaiana talambi hulemi.’ ”

Epesu 2:5

Napatuwo hulemoke hihimbela hai Kerisitu nauri matemoke i lalu kamasalanta. Mewali batena pea anti kabulana laluna Pue Ala paneke tehorema hangko i huku dosanta.

Epesu 2:1

Hangkoia, hangko damanikau mepoinalai i Yesu, nodomokau tauna au mate lawi madosakau hai moliungikau hawana Pue Ala.

1 Korintu 9:16

Barana peisa mampemahile anti pobagongku mobambari Ngkora Marasa, lawi natuduna Pue Ala mampopolumao bago iti. Hurewumona ane barana mobambari Ngkora Marasa!

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 8:22

Agaiana nauli Yesu iria, “Meulako Iriko! Pogiangaahe tomate motawu hangka tomatenda!”

Lukasi 15:24

Lawi anangku ide matemi hangkoia, agaiana tuwo hulemi. Matantami hangkoia, agaiana kulambi hulemi.’ Mewali mosusamohe i katana-tana.