Lukasi 7:2 - Sura Malelaha

² I boea iti, ara hadua tadulakonda surodado to Roma. Tadulako iti ara hawina au napokakaia ntepuu. Hawina iti rumihi kamahaina, ina matemi.

Lukasi 7:2 Referans Kwoze

Kolose 3:22

Halalu au mewalikau hawi, nipeulai liliu ope-ope hawana ampumi au i dunia ide. Ineekau mampeulai hawanda i lindonda pea, anti kamampeinaomi ratoia. Agaiana hangangaa mengkorukau i hawanda hangko i kabulana lalumi, lawi mengkorukau i Pue.

Lukasi 23:47

Kanaitana tadulako surodado apa au mewali iti, motoiami Pue Ala, nauli, “Tongawa mpuu! Ia ide tauna au manoto!”

Lukasi 8:42

lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare. Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Suro 27:43

Agaiana nakontohe tadulakonda, lawi naunde bona Paulu inee rapopoapa. Ido hai motudumohe tauna au raisa monangu melumpa ioru i tahi hai monangu lao i lorena.

Suro 27:3

Kahalona, mehupengkai i wanua Sidon. Maroa mpuu laluna Yulius i Paulu, ido hai Paulu nawei katepaka mosondaki rangana i lalu wanua bona apa au naparaluu peisa rawei.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.

Suro 23:17

Roo indo, Paulu mokakio hadua tadulako surodado, nauliangaa, “Nuporangai anangkoi ide lao i tadulakomi, ara au ina napahawe.”

Suro 22:26

Kanahadina tadulako iti lolitana, laomi i toiwongkona, nauli, “Tua, moapari hai nutudungkai mopapahai tauna iti? Tauna iti to Roma!”

Suro 10:7

Kapaduna malaeka iti, Kornelius liliu mokakio rodua tuduana hai hadua surodado au napoinalai. Surodado iti mengkoru wori i Pue Ala.

Suro 10:1

I wanua Kaisarea, ara hadua tobalilo, hangana Kornelius. Ia hadua tadulako au motadulakoi hangatu surodado au rahanga Surodado Italia.

Lukasi 7:1

Karoona Yesu mololita i tauna bosa, laomi i boea Kapernaum.

Lukasi 7:3

Kanahadina tadulako iti kaarana Yesu i lalu boea iti, natudumohe bahangkia totosaenda to Yahudi lao merapi tulungi i Yesu bona mai mopakaoha hawina.