Lukasi 6:7 - Sura Malelaha

⁷ Ara worihe bahangkia toParisi hai guru agama au mohaoki kanawoana Yesu, ba ina mobago i Alo Pengkarooangaa. Ido hai rakamata liliu apa au ina nababehi Yesu, lawi rapeinao mosalai Yesu.

Lukasi 6:7 Referans Kwoze

Lukasi 20:20

Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu.

Lukasi 13:14

Agaiana inditi ara hadua tadulako sou penombaa au koi inaona moita Yesu mopakaoha tauna i Alo Pengkarooangaa. Ido hai nauli i tauna bosa, “Ini alona, peisake mobago. I alo-alo iti, peisakau mai mampopepakaoha, inee i Alo Pengkarooangaa!”

Markus 3:2

Ara worihe toParisi inditi au mohaoki kanawoana Yesu, ba ina mobago i Alo Pengkarooangaa. Ido hai rakamata liliu apa au ina nababehi Yesu.

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Matiu 5:39

Agaiana ide-ide Kuuliangaakau, inee nuhurungi babehiana hangka rangamu au mobabehi dake irio. Ane pandirina ara au mohapa kalimpimu hambali, nuwei mbuli kalimpimu au hambali.