Lukasi 6:47 - Sura Malelaha

^47-48 Idemi ngkora pandiriKu: hema au mampehadingi hai mampeulai lolitaNgku peisa rapandiri nodo hadua tauna au mapande moaro sou. Ia mokae tampo napakaladu, nawoli hampai watu au maroho, hangko moarori souna i wongko watu iti. Toa uda kebuu, meumbalami owai morumpa souna iti, agaiana bara madungka, lawi raaro i wongko watu au maroho.

Lukasi 6:47 Referans Kwoze

Lukasi 11:28

Agaiana nahanai Yesu, Nauli, “Agaiana, au morasi iamohe tauna au mampehadingi hai mampeulaihe Ngkorana Pue Ala.”

Yohane 14:15

“Ane nipokaahiNa, manoto nipeulai hawaNgku.

Yakobu 4:17

Mewali, hema au moisa apa au maroa au hangangaa nababehi agaiana bara nababehi, tauna iti madosa.

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Yohane 13:17

Ane niisa hai nipeulai paturo ide, ina morasikau.

1 Peturu 2:4

Pue Yesu peisa rapandiri nodo haogu watu au tuwo. Watu iti ratende tauna, lawi rauli bara mobundu. Agaiana i peitana Pue Ala, watu itiri au mahile holona, hai Pue Ala mopilei watu iti mewali watu pohudaa sou. Hai ikamu, halalu au mepoinalai i Pue Yesu, maikau i Pue Yesu,

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.

Lukasi 14:26

“Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.

1 Yohane 3:7

Anangku, inee mpuuhe nipogiangaa tauna mopakanawokau. Tauna au mobabehi peundeana Pue Ala, ihirami au manoto nodo Yesu.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

Yohane 10:27

Dimbaku mohadi wotungku. Kuisa mpuuhe, hai raulana.

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 5:40

Agaiana bara mani niunde mai Iriko bona molambikau katuwo maroa au bara mokahopoa.

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Lukasi 8:8

Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.” Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.