Lukasi 6:21 - Sura Malelaha

²¹ Morasikau au marimi, lawi ikamumi au ina rapamabuhu. Morasikau au moteria, lawi ikamu au ina matana-tana.

Lukasi 6:21 Referans Kwoze

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Matiu 5:6

Morasihe tauna au mampeinao mewali manoto i peitana Pue Ala, lawi Pue Ala ina moweihe apa au rahaoki.

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.

Lukasi 1:53

Tauna au marimi, Napamabuhuhe i paka-pakana paande au maroa. Agaiana topebuku, Nawura matahe hai bara ara au raanti.

Matiu 5:4

Morasihe tauna au mapari lalunda, lawi Pue Ala ina mopalindohe.

Pampetudungia 7:16

Barapohe marimi, barapohe mangkadou, hai barapohe nasimbaki alo au makere,

Lukasi 6:25

Marugikau au mabuhu ide-ide, lawi ina marimikau. Marugikau au matana ide-ide, lawi ina masusa lalumi hai ina moteriakau.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Pampetudungia 21:3

Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

2 Korintu 11:27

Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

Yohane 11:35

Teriami Yesu.

Lukasi 6:20

Yesu mototoki topeulaNa hai Nauliangaahe: “Morasikau au meahi-ahi tuwomi, lawi ikamumi au mewali taunana Pue Ala i lalu poparentaNa.

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.