Lukasi 22:51 - Sura Malelaha

⁵¹ Nauli Yesu, “Handami!” Hai liliu motobo talingana hawi iti pane maoha.

Lukasi 22:51 Referans Kwoze

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

Roma 12:21

Inee tahurungi babehiana ranganta au kadake hai babehia au kadake wori. Agina babehia au kadake tahurungi hai babehia au maroa.

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Lukasi 22:50

Roo indo, hadua hangko i topeguruNa mowuka pihona mobata hawina Tadulako Mpenomba Mahile, kana talinga koanana pane maingihi.

Lukasi 22:52

Roo indo, Yesu mouliangaahe kapala-kapala tadulako mpenomba hai topokampai Souna Pue Ala hai totosaenda to Yahudi au mai mohaka, Nauli, “Tauna kadakeriNa pae dide, pane maiNa nihaka moantikau piho hai pewombe?

Suro 16:28

Agaiana nakambaroa Paulu masisimbuku hangko i lalu tarunggu, nauli, “Ineeko menoo, indetongkai ope-ope!”