Lukasi 20:22 - Sura Malelaha

²² Ido hai kipekuneKo: moula atura agamanta, hangangaa mobaiarike asele i Kaisar, ba bara?”

Lukasi 20:22 Referans Kwoze

Suro 5:37

Hambela tempo, i poimba tauna, ara hadua to Galilea, hangana Yudasi. Ia moanti wori bosa tauna moewa topoparenta. Agaiana bara mahae ia rapapate, hai topeguruna mahawu worihe.

Matiu 17:25

Nahanai Peturu, “Nabaiari!” Hangko inditi, mesulemi Simo Peturu lao i sou paidaanda. Kahawena, bara mani tepaka mololita, iorumi Yesu mekune, “Simo, noumba pelambiamu: hema au hangangaa mobaiari asele i datu au mokamumu tampo ntanina? Ba taunana haduduana, ba tauna i tampo au nakamumu?”

Lukasi 20:21

Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna.

Lukasi 20:23

Agaiana naisari Yesu tunggaiana lalunda au tewuniangi. Ido hai Nauliangaahe:

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Roma 13:7

Nibaiari ope-ope i tauna apa au hintoto nibaiari. Nibaiari asele ba pobaiari au ntanina i topoparenta. Mengkorukau i tauna au hintoto rapengkorui. Bila tauna au hintoto rabila.