Lukasi 20:20 - Sura Malelaha

²⁰ Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu.

Lukasi 20:20 Referans Kwoze

Lukasi 11:54

lawi mohaokihe kamanawona pololitaNa.

Matiu 27:2

Roo indo, Yesu rahilu taieNa hai raanti lao i lindona Gubernur Pilatu.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

Lukasi 20:26

Kahopoana tauna iti barahe peisa mopakanawo Yesu i lindo tauna bosa. Bara ara kamasalana lolitaNa au ralambi. Mandii-ndii peahe lawi tingkarahe mohadi pehanaNa.

Markus 3:2

Ara worihe toParisi inditi au mohaoki kanawoana Yesu, ba ina mobago i Alo Pengkarooangaa. Ido hai rakamata liliu apa au ina nababehi Yesu.

Lukasi 20:21

Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna.