Lukasi 17:24 - Sura Malelaha

²⁴ Lawi ane i kahaweNgku hule, Iko Ana Manusia, ina tongawa mpuu. KahaweNgku ina raita nodo pewangka kila au mesupa i Mata alo hai mewangka hawe-hawe i Katampua alo.

Lukasi 17:24 Referans Kwoze

Matiu 24:27

Lawi ane hawe suleNa, Iko Ana Manusia, ina tongawa mpuu. KahaweNgku ina raita i humalele dunia, nodo pewangka kila au mesupa i Mata alo hai mewangka hawe-hawe i Katampua alo.

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

Yakobu 5:8

Nodo wori ikamu, hangangaa sabarakau. Hangangaa nipatetida lalumi, lawi barapi mahae ina hawe mpuu Amputa.

2 Tesalonika 2:2

datikau holi-holi napawuli bambari au mampololita kahawenami Pue Yesu, lawi arahe au manguli Inao Malelaha mampopaisaahe nodo. Ara worihe au mouli kaarana sura hangko irikami au mopakanoto kahawenami alona Pue.

1 Tesalonika 5:2

Lawi niisa halalu: alo kahaweana Pue iti ina mai nodo topanangka i tanga kaindi; ope-ope tauna i dunia ina tingkarahe.

2 Tesalonika 2:8

Mewali, ane teweihami topehomboki iti, hangko haweri Manusia Kadake. Agaiana ane hawemi Pue Yesu hai kuasaNa au meawa, Manusia Kadake iti ina ope kuasana, lawi ia ina napapate Pue Yesu hai inao au mesuwu hangko i humeNa.

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Matiu 5:15

Hai bara ara hadua tauna au mohuwe hulo hai nabobongi. Hulo batena nawoli i paidaana bona pewangkana raita ope-ope tauna i lalu sou.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.