Lukasi 16:10 - Sura Malelaha

¹⁰ Ane hadua tauna peisa rapoinalai i anu-anu au haodi, ia peisa wori rapoinalai i anu-anu au ngkaia. Agaiana ane bara manoto pokadipurana anu-anu au haodi, apa mani pokadipurana anu-anu au ngkaia!

Lukasi 16:10 Referans Kwoze

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Lukasi 19:17

Nauli datu iti: ‘Maroa mpuu kanupopolumaona bago au kuweiko. Oio hawi au maroa. Mewali, anti kamanotomu i bago au koi, ina kupoinalaiko motadulakoi hampulo boea.’

Matiu 25:23

Nauli ampunda iti, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Ibarani 3:2

Yesu matundu mampopolumao bago au Natudua Pue Ala. Nodo Musa hangkoia matundu mampopolumao bagona mokadipura souna Pue Ala; lempona, mokadipura taunana Pue Ala.

Yohane 12:6

Katouana, Yudasi bara mampekiri katuwonda topeahi-ahi, lawi ia topanangka! Ia topamboli doinda, hai hambela-hambela naala ngkabuni.

Yohane 13:27

Kanadokona Yudasi roti iti, mesuami Datu Tokadake i laluna. Roo indo, nauliangaa Yesu, “Apa au ina nubabehi, nubabehimi holiga.”

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Matiu 24:45

“Nipailalu ngkora pandiri ide: ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.