Lukasi 15:10 - Sura Malelaha

¹⁰ Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 15:10 Referans Kwoze

Lukasi 15:7

Nodo wori i suruga, ane hadua tauna au madosa menoso hangko i dosana, melumbu kamatanana Pue Ala mampokatana tauna iti pane hahio pulona hai hahio tauna au manoto au bara paraluu menoso.”

2 Korintu 7:10

Lawi ara kasusa lalu au moula peundeana Pue Ala, hai kasusa iti moantike menoso hangko i babehianta au kadake, alana Pue Ala mohoremake hangko i huku dosanta. Kasusa iti inee tapenosoi, agaiana tapokatanari. Agaiana ane masusa lalunta nodo i tauna au bara mepoinalai i Pue Ala, kasusa iti barake moanti menoso hangko i babehianta au kadake, alana molambike kapate au mogaakike hangko i Pue Ala.

Lukasi 13:5

Bara! Agaiana ane barakau menoso hangko i dosami, batena worikau rahuku.”

Matiu 18:14

Nodo wori Umami au ara i suruga, bara Naunde ane ara hadua nodo anangkoi ide au puha.”

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Lukasi 7:47

Mewali ahina au mahile iti mopatongawa dosana au mahile raampungimi. Agaiana tauna au raampungi hangko i dosana au haodi, haodi pea wori ahina.”

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Pilemo 1:15

Babila hangko i pegaakina sangka ide, naporara Pue bona ia peisa mesule irio hawe i hae-haena.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Matiu 10:32

Hema au mopangaku i lindonda tauna bosa peulana Iriko, ia ina Kupangaku wori i UmaNgku au ara i suruga.

Lukasi 12:8

“Pehadingi maroa lolitaNgku: hema au mopangaku i lindonda tauna bosa peulana Iriko, Ana Manusia, ia ina Kupangaku wori i lindonda malaekana Pue Ala.

Lukasi 12:9

Agaiana hema au mosapuakaNa i lindonda tauna, ia wori ina Kusapuaka i lindonda malaekana Pue Ala.

Lukasi 15:9

Kanalambina, ia mokakiomi rangana hai hintonggina, nauli, ‘Maimoke mosusa! Matana mpuuna, lawi kulambi hulemi doingku au matanta.’

Lukasi 15:11

Nauli mbuli Yesu, “Pandirina, ara hadua uma au ara rodua anana, tobalilo haha.