Lukasi 14:26 - Sura Malelaha

²⁶ “Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.

Lukasi 14:26 Referans Kwoze

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Yohane 12:25

Tauna au mampokakaia watana, bara ina molambi katuwo maroa. Agaiana tauna au mokabaha peundeana haduduana i dunia ide, ina molambi katuwo maroa au bara mokahopoa.

Pilipi 3:8

Hai bara pea ido, ide-ide kuisami: hinangkana iti bara ara bunduna iriko, lawi ara au melumbu kamaroana, iami pohintuwuku hai Kerisitu Yesu Ampuku. Ido hai kukabahami ope-ope au ntanina, kuimba pea pupu bona meulana i Kerisitu,

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

Roma 9:13

I lalu Sura Malelaha, tabasa lolitana Pue Ala au teuki node, “Yako hai pemuleana, ihirari au Kupilei. Esau hai pemuleana, barahe Kupilei.”

Lukasi 14:25

Roo indo, Yesu mopaliliu polumaona. Bosa wori tauna meula Iria, ido hai Napembalilingihe, Nauli,

Lukasi 14:20

Ara mbuli hadua au manguli, ‘Hangko rataunana! Mewali, barana peisa lao.’