Lukasi 10:33 - Sura Malelaha

³³ Bara mahae hangko indo, moliu wori hadua to Samaria i rara iti. Kamoitana tauna au marugi iti, maahi laluna iria.

Lukasi 10:33 Referans Kwoze

Lukasi 7:13

Kanaitana Pue Yesu towawine iti, maahimi laluNa, hai Nauliangaa, “Ineemoko moteria!”

Matiu 18:33

Moapari hai bara nupokaahi hangka hawimu, nodo kakupokaahimu?’

Matiu 10:5

Au hampulo hai rodua iti natuduhe Yesu lao mobambari Ngkora Marasa. Hangko damanihe meangka, Napaturohe nauli node, “Ineekau lao i boeanda tauna au barahe to Yahudi. Ineekau lao i boeanda to Samaria.

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Yohane 4:9

Tingkara mpuu towawine iti, lawi biasana to Yahudi bara raunde mampogaloa to Samaria. Ido hai nauli, “Oio to Yahudi, iko to Samaria. Moapari pane merapiKo owai iriko?”

Lukasi 10:32

Nodo wori ara hadua to Lewi au moliu inditi. Kamoitana tauna au marugi iti, naliu pea wori.

Lukasi 10:34

Laomi i tauna iti, nabahoi belana mopake lana mawongi hai anggoro, pane nawewehi. Roo indo, napopesawimi i kalidena, naanti lao i sou posanggaraha, hai nakadipura inditi.