Lukasi 10:17 - Sura Malelaha

¹⁷ Bahangkia kamahaena hangko indo, mesulemohe topeguruNa au pitu pulona. Matana mpuu lalunda, hai rauli i Yesu, “Pue, mogalori seta, mengkoru worihe irikami, hai kipopelohohe i lalu hangaMu.”

Lukasi 10:17 Referans Kwoze

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Lukasi 9:1

Yesu mokakiohe topeguruNa au hampulo hai rodua. Naweihe kuasa monangi ope-ope seta hai mopakaoha tauna au mahai.

Lukasi 10:1

Roo indo, Pue Yesu mopilei pitu pulona topeulaNa au ntanina hai Natuduhe rorodua moioru i ope-ope boea au ina Nakalaongi.

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Lukasi 10:20

Agaiana nauri nodo, inee nipokatana pengkorunda seta irikamu. Aginari nipokatana kateukinami hangami i lalu suruga.”

Epesu 5:24

Mewali, nodo ope-ope jumaa mengkoru i Kerisitu, nodo wori towawine hangangaa mengkoru i tobalilona i paka-pakana.