Kolose 2:19 - Sura Malelaha

¹⁹ Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.

Kolose 2:19 Referans Kwoze

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

1 Tesalonika 4:10

Katouana, maahimokau i ope-ope halalumi hampepepoinalai i Makedonia. Agaiana kiperapi mpuu halalu bona babehiami iti nitambai mani.

1 Tesalonika 3:12

Kiperapi bona katetetambaia ahinda, alana mombepokaahi mpuuhe hadua hai hadua, hai mampokaahihe ope-ope tauna, nodo kamaahingki irihira.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Epesu 5:29

Bara ara tauna au mokahihi watana haduduana, batena nakampai hai nakadipura. Nodo wori Kerisitu mokadipura tauna au mepoinalai Iria.

Epesu 4:3

Nipari-pari mohintuwu, inee ara posisisala bona kahintuwumi i lalu Inao Malelaha tekadipura liliu.

Epesu 1:22

Pue Ala mampopengkoru hinangkana i Kerisitu, hai moangka Kerisitu mewali Tadulako au moparenta ope-ope tauna au mepoinalai Iria.

1 Korintu 3:6

Iko au mantuda, Apolo au mobumbuhi, agaiana Pue Ala au mopatuwo.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

Roma 11:17

To Yahudi peisahe rapandiri nodo hangkau kau saitun au rakadipura. Daana au hantanga rahapeki, hai i pohapekiana iti, Pue Ala mampopentaka daa kau saitun au bara tekadipura bona katuwona daa iti marudu hangko i uaka kau au rakadipura. Daa au Napopentaka iti, iami ikamu au barakau to Yahudi.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Yohane 17:21

Kuperapi bona ihira ope-ope hampepekiri. Nodo Uma mohintuwu hai Iko, hai Iko mohintuwuNa hai Uma, Kuperapi bona ihira wori mohintuwu hai Ikita bona ope-ope tauna ina mampoinalai kaOiona au motuduNa.

1 Korintu 11:3

Agaiana ara hampaka au hangangaa kupopaingaakau, Kerisitu mewali tadulakonda ope-ope tobalilo. Hai tobalilo mewali tadulakonda towawine. Hai Pue Ala mewali tadulakona Kerisitu.

Epesu 1:23

Ikita au mepoinalai Iria, mewalimoke Watana Kerisitu. Iami au mampobago hinangkana bona ope-ope mewali moula tunggaiaNa.

Epesu 2:21

Ikita au mohintuwu hai Yesu nodoke parewa sou au raaro i wongko watu au maroho bona meangka haogu sou au malelaha au hintoto napaidai Pue Ala.

Lukasi 5:38

Mewali anggoro au wou hangangaa rakando wori i pambolia au wou.