Kolose 2:14 - Sura Malelaha

¹⁴ Anti kapatena Yesu i kau mombehape, Pue Ala mogewomi ope-ope dosanta au teukimi, hai Nakabahamoke hangko i atura-atura au ina moantike i pehuku.

Kolose 2:14 Referans Kwoze

Ibarani 8:13

Mewali, i lalu ngkora inona, Pue Ala mampololita kana i podandi au wou, hai moula lolitaNa, podandi au nguru-nguruna hangangaa rapahuru lawi haemi. Mewali, podandi au hae iti barapi mobundu, batena ratende hai rapahuru hai podandi au wou.

Ibarani 7:18

Atura au nauki Musa, au ngkaia kamakurana hai barapi mobundu, rakabahami.

Kolose 2:20

Ikita au mepoinalai i Kerisitu himbela pea matemoke hai Kerisitu, lawi anti pohintuwuta hai Ia, tekabahamoke hangko i ada hai atura-atura iti. Barapoke mampeulai ada hai atura iti bona mewalike manoto i peitana Pue Ala. Mewali, ane matemoke hihimbela hai Kerisitu, ineemokau mengkoru i atura au ngkaia pakana iti, nodo tauna au bara mani moisa Kerisitu.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

2 Tesalonika 2:7

Hai tempo ide, kuasana au kadake mobago ngkandii-ndii i dunia. Agaiana ia bara mani hawe, lawi ara mani au mohohomboki.

Lukasi 1:6

Tohamboko iti, manoto babehianda i peitana Pue Ala, lawi hangko i lalunda mpuu mampeulaihe ope-ope atura hai parentana Pue Ala.