Kolose 1:10 - Sura Malelaha

¹⁰ bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 1:10 Referans Kwoze

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

Yohane 15:8

Ane rumihi powuami, UmaNgku rapomahile. Ane nodo nibabehi, topeguruNgku mpuumokau.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

2 Peturu 1:8

Ane nodo poantimi hai babehiami, hai ane nitambai liliu, ina mobundu mpuu katuwomi, lawi tou-tou mpuukau moisa Amputa Yesu Kerisitu hai maroho peulami Iria.

Kolose 2:6

Ido hai, halalu, anti kanidokonami Kerisitu Yesu mewali Ampumi, babehiami alo-alona hangangaa moula peundeaNa, lawi mohintuwumokau hai Ia.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.

Epesu 5:15

Ido hai hangangaa nipamaroa-roa babehiami: ineekau nodo tontuli; agaiana hangangaa manoto pekirimi.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

2 Korintu 2:14

Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

Roma 6:4

I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

Epesu 5:10

Nipari-pari mobabehi apa au hintoto i peitana Pue.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Titu 3:1

Nupopaingaahe to Sarani au ara inditi bona mengkoruhe i topoparenta hai i totosae boea. Hangangaa mampeulaihe hawanda topoparenta hai mampopolumaohe ope-ope bago au maroa.

Kolose 3:20

Ikamu anangkoi, hangangaa mengkorukau i tosaemi i lalu paka-pakana, lawi itimi peundeana Pue Ala.

Epesu 4:13

duuna hambela tempo ina mewalike hampepekiri i lalu pepoinalainta, hai ina moisa ntepuuke Anana Pue Ala. Ina kanoto-notoake, duuna mewalike nodo Kerisitu au bara ara kamakuraNa.

Ibarani 11:5

Anti pepoinalaina, Heno bara mate. Ia raore tuwo-tuwo hangko i dunia ide. Watana bara ralambi, lawi naangka Pue Ala tuwo-tuwo hangko i dunia ide. I lalu Sura Malelaha teuki: hangko damani Heno raangka, ia napokatana Pue Ala.

Kolose 2:19

Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

Epesu 1:17

Mekakaena i Pue Ala au meawa, Umana Amputa Yesu Kerisitu. Kuperapi Iria bona Naweikau Inao Malelaha au mopamanoto lalumi, duuna moisa ntepuukau Pue Ala.

2 Korintu 9:8

Hai Pue Ala ina moweikau hinangkana pewati duuna barapi ara kamakurami bona nibuku mampopolumao hinangkana bago motulungi rangami.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Roma 4:12

Nodo wori Burahima rapouma to Yahudi, lawi ia au rapopandiri ope-ope to Yahudi au bara pea ratile agaiana au mepoinalai worihe i Pue Ala nodo Burahima au mepoinalaimi i Pue Ala hangko damani ratile.

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

2 Korintu 5:9

Mewali tapeinao mobabehi apa au maroa, au mopakatana laluna Pue, i tempota mani tuwo i dunia ide ba i tempona hihimbelamoke hai Pue.

3 Yohane 1:6

Arahe au mai inde mopahawe kana i ahimu i ope-ope halalunta hampepepoinalai. Mewali, kuharunga bona nupopelingka maroahe halalunta iti bona peisahe mopaliliu pobagonda, lawi itimi au napokatana Pue.