Ibarani 6:2 - Sura Malelaha

² Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

Ibarani 6:2 Referans Kwoze

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Suro 23:6

Naisa Paulu, i olonda tadulako iti, arahe au mampeulai pepaturonda toSaduki, ara worihe au mampeulai pepaturonda toParisi. Ido hai mololita i ope-ope tauna masisimbuku, nauli, “Halalu! Iko toParisina, pemuleanana toParisi. Panena rapohuda-hudaa inde, lawi kupoinalai, tauna au mate, batena tuwo hule.”

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 16:33

Mewali, i wengi iti kapala tarunggu mobahoi belanda Paulu hai Silas. Ia hai ope-ope tauna au i lalu souna rariumohe.

Suro 16:15

Karoonda Lidia hantambi rariu, napari-parimongkai Lidia lao maida i souna, nauli, “Ane niimbana manoto i lalu pepoinalaingku i Pue Yesu, laomoke i soungku.” Ido hai lao mpuumongkai i souna moula pamperapina.

Suro 10:47

“Peita. Tauna ide molambimohe Inao Malelaha nodo au mewali irikita. Mewali peisahe pae tahomboki rariu?”

Suro 2:41

Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.

Ibarani 11:35

Anti pepoinalainda, arahe towawine au molambi hulehe ananda au matemi, lawi rapatuwoa sulehe. Agaiana ara worihe au rapopeahi-ahi duunda mate anti pepoinalainda. Agindami rapapate panehe mosapuaka Pue Ala, lawi mampeinaohe rapatuwo hule bona molambihe katuwo au meliu kamaroana.

Ibarani 9:10

Lawi ada iti mokanai pea watanta, nodo ada hai palia i paande hai paenu, hai bahangkia pakana ada mpobahoi wata. Pue Ala moweike ada bona tapeulai tanganta mampegia dandiNa au wou.

2 Timotiu 2:18

Mopahala batakamohe paturo au tou, rauli pearonda tomate liumi. Paturonda au sala iti mopawulimohe bahangkia tauna alana pepoinalainda barapi mobundu.

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

1 Korintu 10:2

Nodo ikita rariu mewali topeulana Pue Yesu, ihira rariu worihe i lalu gawu hai owai mewali topeulana Musa.

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

Suro 26:8

Hai ikamu halalungku to Yahudi, moapari pane bara nipoinalai kamakuasana Pue Ala mopatuwo hule tomate?

Suro 24:21

Batena pea lolitangku ide au rasalaiana, kuuli masisimbuku i lindonda: ‘Ide iko raparesana, lawi kupoinalai tauna au mate batena tuwo hule.’ ”

Suro 24:15

Peharungangku i Pue Ala batena himbela hai peharunganda iwalingku ide: kupoinalai kaina arana tempo au napakanoto Pue Ala mopatuwo hule ope-ope tomate, maroa au manoto babehianda, maroa au kadake babehianda.

Suro 4:2

Rumpu mpuuhe i Peturu hai Yohane, lawi mobambariahe tauna bosa katuwona hule Yesu hangko i kapate. Hai paturonda iti, mopakanoto wori katuwonda hule tomate.

Lukasi 14:14

Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

Lukasi 12:50

Agaiana ara mani kapari au hangangaa morumpaNa. Ina masusa laluNgku duuna mewali.

Lukasi 11:38

Tingkaramohe toParisi moita Yesu maande, lawi bara hampai memando moula ada agamanda.

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Markus 7:8

Mewali, mokingki manirikau ada manusia panekau mampeulai hawana Pue Ala.”

Markus 7:4

Ane mesulehe hangko i pobalu-balua, moula adanda hangangaa mendoihe hampai hangko damanihe maande. Hai ngkaia mani ada au radoko hangko i toiorunda au rapeulai ntepuu, pandirina: ada mpobahoi mangko, kori hai anu-anu ntanina au rababehi hangko i tambaga.

Matiu 3:14

Agaiana Yohane, bara bai moriu, hai nauliangaa, “Katouana, ideri iko au hintoto Nuriu. Moapa hai Oiori au mai iriko?”

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

Suro 13:3

Mewali, karoonda mopuasa hai mekakae, raonami taienda i Baranaba hai Saulu. Roo indo, rapopelingkamohe lao mobambari Ngkora Marasa.