Ibarani 5:9 - Sura Malelaha

⁹ Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Ibarani 5:9 Referans Kwoze

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

Ibarani 2:10

Pue Ala mampopewali hinangkana moula pobotusiNa. TunggaiaNa bona bosa tauna Napopewali anaNa hai Napopeawahe. Ido hai Pue Ala mopakanoto bona Yesu molambi kapari duuna mate. Pobotusina Pue Ala iti hintoto, lawi hangko i kapari au nahumba Yesu, Yesu mewali Topehompo au bara ara kamakuraNa. Ia au mobungkahi rara bona peisake tehorema.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 9:12

I tempoNa mesua i lalu Bambaru Malelaha, Ia liliu lao i lalu Hologa Malelaha Ntepuu molindo Pue Ala. Hai wahe au Naanti mesua, bara wahe towau laki ba wahe ana japi laki, agaiana waheNa haduduaNa. PesuaNa iti, hambela pea i hae-haena, lawi hai waheNa iti, Ia mohompomi dosanta hawe i hae-haena.

Suro 5:32

Ikamimi sabina hinangkana iti, ikami hai Inao Malelaha, au nawei Pue Ala i ope-ope tauna au mengkoru i hawaNa.”

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Roma 15:18

Au kuuli ide, kupobago anti kuasana Kerisitu Yesu bona tauna au barahe to Yahudi mengkoru i Pue Ala. Mengkoruhe i Pue Ala anti pobagongku hai pepaturongku,

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

Roma 10:16

Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Yohane 19:30

Napeminami Yesu, pane Nauli, “Hopomi!” Roo indo, motumpa, hai opemi inaoNa.

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Yudasi 1:21

Hangangaa tuwokau i lalu pepokaahina Pue Ala, tangami mampegia pekiraina Amputa, Yesu Kerisitu, au ina moweike katuwo au bara mokahopoa.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Ibarani 11:40

Bara mani rahumba, lawi Pue Ala mopasilolongaake au meliu kamaroana bona i tempona ikita ara hihimbela hai ihira, ina Nawei worihe katuwo maroa au bara ara kamakurana.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Lukasi 13:32

Nauliangaahe Yesu, “Niuliangaa topeakalangi iti node: Alo ide hai kahalo Kupopolumao mani pobagoNgku mampopeloho seta hai mopakaoha tauna au mahai. Agaiana i kataluna alona, ina hopomi bagoNgku.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.