Ibarani 5:8 - Sura Malelaha

⁸ Nauri Ia Anana Pue Ala, Ia molambi wori kapari, hai i lalu kapari iti, Ia mampegurui noumba rara mengkoru i Pue Ala.

Ibarani 5:8 Referans Kwoze

Pilipi 2:8

I tempona tuwo mewali manusia i wongko dunia ide, ia mengkaiwoi hai moula hawana Pue Ala, duuna mate rapaku i kau mombehape hihimbela hai tauna au kadake.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Ibarani 1:8

Agaiana Pue Ala mampololita kana i AnaNa, nauli node: “Oio Pue Ala, kadatuamu bara mokahopoa; Oio moparenta i lalu kahintimba.

Ibarani 1:5

I malaeka, Pue Ala bara hambela mopahawe lolita ide: “Oiomi AnaNgku, Alo ide KupoanamoKo.” Hai Pue Ala bara wori mololita i hadua malaeka node: “Iko ina NapoumaNa, hai Ia ina Kupoana.”

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

Yohane 10:18

Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”