Ibarani 3:6 - Sura Malelaha

⁶ Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Ibarani 3:6 Referans Kwoze

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

1 Korintu 3:16

Bara pae niisa halalu: ikamumi sou paidaana Pue Ala, hai Inaona Pue Ala maida i lalumi.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

Ibarani 10:35

Mewali, inee mpuu nikabaha pepoinalaimi iti, lawi ane mepoinalai liliukau, ina mahile mpuu hurungina au nihumba.

Ibarani 6:11

Agaiana kiperapi mpuu halalu, bona nipari-pari mopaliliu babehia iti duuna i kahopoana, bona mohumba mpuukau apa au niharunga hangko i Pue Ala.

1 Korintu 6:19

Bara pae niisa halalu, watami iami paidaa Inao Malelaha. Inao Malelaha au maida i lalumi, nihumba hangko i Pue Ala. Mewali watami barapi ikamu ampuna.

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Pampetudungia 3:11

Barapi mahae ina hawemoNa! Hangangaa nikingki maroho-roho paturo au niisami datikau mala rapakanawo alana songko kadatua au naweimokau Pue Ala anti penangimi, raperampai tauna ntanina.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

1 Tesalonika 5:16

Anti pohintuwuta hai Yesu Kerisitu, hangangaa matana liliuke, mekakae liliuke hai manguli liliu worike ngkaia kamaroana i Pue Ala kehapiri apa au mewali, lawi itimi peundeana Pue Ala irikita.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Matiu 24:13

Agaiana tauna au mepoinalai liliu Iriko duuna i kahopoana ina molambihe katuwo maroa.

Pampetudungia 2:25

Nipeulai liliu apa au niisami duuNgku hawe.

Pampetudungia 2:18

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Tiatira: Idemi lolitana Anana Pue Ala au mataNa mewangka nodo rore api hai bitiNa mengkila-ngkila nodo suasa au hangko roo rahowu.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

Galatia 6:9

Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

Roma 11:22

Mewali taisa mpuu kamaahina Pue Ala hai taisa wori kamanotona pehukuNa. Manotomi kaNahukunda tauna au mesapuaka, agaiana maahi irikamu ane tuwo liliukau i ahiNa iti. Ane bara, ina Natende worikau!

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Epesu 3:12

Anti pohintuwuta hai Kerisitu Yesu hai anti pepoinalainta Iria, baimoke mohungkuki Pue Ala hai barapi bata-bata lalunta.

Ibarani 4:16

Ido hai halalu, ineemoke langa. Peisamoke mohungkuki Pue Ala i kadera kadatuaNa au i suruga bona modokoke kamaahiNa, hai Natulungike hangko i kabulana laluNa i tempona au taparaluu.

Ibarani 6:18

Ane Pue Ala mopahawe dandiNa, bara modongko. Nodo wori ane Ia mohowara sumpaNa, bara modongko. Lolita au rompaka iti bara ara katebaliana. Pue Ala modandi hai mosumpa bona maroho lalunta. Hai ikita ide, mopalehimoke katuwonta hai dosanta hangkoia bona tapegia apa au Nadandiake.

Ibarani 7:19

Lawi Atura iti bara moanti tauna mewali manoto i peitana Pue Ala. Ido hai atura iti rapahuru hai rara au meliu kamaroana. Ane tapeulai rara iti, tongawa irikita ina mohintuwuke hai Pue Ala.

Ibarani 10:19

Halalu! Ane Tadulako Mpenomba Mahile hangkoia, peisahe mesua i lalu Hologa Malelaha Ntepuu lawi moantihe wahe binata. Nodo wori ikita: anti wahena Yesu i kapateNa, barapoke langa mohungkuki Pue Ala i paidaaNa au malelaha.

Ibarani 10:21

Yesumi au mewali Tadulako Mpenomba Mahilenta au mokadipura souna Pue Ala i suruga.

Ibarani 11:1

Au rauli pepoinalai, lempona apa au taharunga i Pue Ala, taisa batena ina mewali. Kehapiri bara mani taita apa au tapegia, manoto i lalunta ina mewali.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

Pampetudungia 2:26

Hema au menangi, hai mobabehi apa au hintoto hai peundeaKu duuna i kahopoana, ina Kuweihe kuasa himbela hai kuasa au Kudokomi hangko i UmaNgku. Ina Kuweihe kuasa moparenta tauna i humalele dunia. Kamarohona kuasaNgku au Kuweihe iti nodo kamarohona lai besi. Kuasa iti, ina rapopopakarugi ope-ope iwalinda nodo kori tampo au rapengka.