Epesu 6:23 - Sura Malelaha

²³ Halalungku hampepepoinalai! Kuharunga Pue Ala Umanta hai Pue Yesu Kerisitu ina moweikau roa ngkatuwo. Hai kuharunga wori bona Pue Ala ina motambai liliu ahimi hai pepoinalaimi.

Epesu 6:23 Referans Kwoze

Galatia 6:16

Mekakaena bona ope-ope tauna au tuwo moula paturo ide hai au mewali taunana Pue Ala ina molambi roa ngkatuwo hai ahina Pue Ala.

1 Peturu 5:14

Mombetabe-tabemokau hadua hai hadua hangko i kamahilena ahimi i halalumi hampepepoinalai. Kuperapi i Pue Ala bona Naweikau roa ngkatuwo anti pohintuwumi hai Kerisitu. Hangko iriko PETURU

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.

2 Tesalonika 3:16

Batena pea Pue au peisa moweike roa ngkatuwo. Ido hai mekakaengkai Iria bona alo-alona Naweikau katinda lalu i paka-pakana. Pue mamporangaikau ope-ope.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

1 Tesalonika 5:8

Agaiana ikita ide iamoke tauna au ara i kamabaa; ido hai pekirinta hangangaa manoto. Hangangaa mepoinalai liliuke i Pue Ala hai hangangaa mampokaahike ranganta, hangangaa tapakaroho peharaunganta i kaNahoremanta Pue Ala. Itimi parewa pombeala au ina tapolaba moewa kamakaindi.

1 Korintu 1:3

Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Roma 1:7

Ido hai kupakatu sura ide irikamu, to Sarani i Roma, lawi Pue Ala mampokaahikau hai mokakiokau mewali taunaNa au malelaha. Kuharunga Pue Ala Umanta hai Pue Yesu Kerisitu mowatikau hai moweikau roa ngkatuwo.

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

1 Timotiu 5:8

Lawi ane ara hadua tauna au manguli maroho pepoinalaina i Pue Ala, agaiana bara mokadipura halaluna hai tinana, babehiana iti mosapuaka pepoinalaina. Melumbu kakadakena hangko i tauna au bara mepoinalai i Pue Ala.

Roma 15:33

Kuharunga Pue Ala au moweike roa ngkatuwo ina mamporangaikau ope-ope. Amin!

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.