Epesu 6:14 - Sura Malelaha

¹⁴ Mewali, nipakaroho peangkami hai parewa pombeala au hangko i Pue Ala. Nipakaroho peulami i paturo au tou kana i Pue mewali nodo pampou i pekomi. Nipamanoto babehiami mewali nodo badu besi au motabungi watami.

Epesu 6:14 Referans Kwoze

1 Tesalonika 5:8

Agaiana ikita ide iamoke tauna au ara i kamabaa; ido hai pekirinta hangangaa manoto. Hangangaa mepoinalai liliuke i Pue Ala hai hangangaa mampokaahike ranganta, hangangaa tapakaroho peharaunganta i kaNahoremanta Pue Ala. Itimi parewa pombeala au ina tapolaba moewa kamakaindi.

Lukasi 12:35

Roo indo, Yesu mopahawe ngkora pandiri ide, Nauli, “Hangangaa mainga-inga liliukau hai hangangaa masilolonga peamokau bona ineekau napatingkara ba apa pea. Ikamu hangangaa nodokau hawi au mampegiahe ampunda mesule hangko i posusaa petauna. Hawi iti, tekadipura hampinda, masilolonga liliuhe, hai hulonda tuwo liliu. Ane hawemi ampunda motidongko baba, liliu rabungkahia.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

2 Korintu 6:7

Kipakanoto kaikamina topobagona Pue Ala, lawi mopahawengkai paturo au tou. Kipopolumao bagongki hangko i kuasa au kihumba hangko i Pue Ala. Kibabehi liliu apa au manoto. Babehiangki au manoto peisa rapandiri nodo piho hai laba, lawi ane manoto babehiangki, kibuku moewa iwalingki, hai kibuku mantaha.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pampetudungia 9:17

I lalu pampatongawa iti, moitana surodado iti hai dara au rapesawii. Surodado iti, ope-opehe mebadu besi. Badunda malei nodo api, maeta-eta nodo rambu, hai mabada ntepuu nodo watu belerang. Waa daranda nodo waa singa, hai hangko i nganganda mesuwu api, rambu hai belerang.

Pampetudungia 9:9

Pondanda nabalungkuhi ruke au nodo badu besi. Pomoni kapinda nodo pomoni hangguruma kareta au radii dara lao mombeala.

Roma 13:12

Tempo kaindi ide ina liumi, hai ina mabaami. Ido hai hangangaa tatende babehia au makaindi hai tapake parewa pombeala au mewangka.

Epesu 6:13

Ido hai, ide-ide hangangaa nipake hinangka parewa pombeala au hangko i Pue Ala bona ane hawe alo pombeala, ina nibuku moewa pebungkana iwalimi duuna i kahopoana, hai batena maroho liliu peangkami.