Epesu 4:32 - Sura Malelaha

³² Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

Epesu 4:32 Referans Kwoze

Markus 11:25

Ane mekakaekau hai ara mani rangami au mopakoi inaomi, niampungi hampai bona Umami au ara i suruga moampungi wori salami.

2 Korintu 2:10

agaiana ide-ide kuuliangaakau, ineemi woia nihuku liliu. Ane niampungimi, hangangaa kuampungi worimi. Ane arato mpuu salana iriko, kuampungimi. Kerisitu moisa lalungku! Lawi peundeaku bona mohintuwukau hadua hai hadua.

Epesu 5:1

Mewali, lawi napoanamokau Pue Ala hai Napokaahikau, ido hai hangangaa moulakau poantina Pue Ala.

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Lukasi 6:37

“Ineekau mosalai hangka rangami dati worikau nasalai Pue Ala. Inee niuli tauna ntanina au masala hangangaa rahuku, hai ikamu bara worikau ina nahuku Pue Ala. Niampungi kamasalana rangami, bona naampungi worikau Pue Ala.

1 Korintu 13:4

Apa lempona au rauli ahi? Tauna au mampokaahihe hangka ranganda sabarahe hai maroa lalunda, barahe mahina, barahe mampopetoia, barahe mampemahile,

Lukasi 17:4

Ane halalumi masala irikamu kehapiri pitu belana i lalu hangalo, hai bela-belana masala mai merapi ampu irikamu, hangangaa niampungi.”

Matiu 6:12

Nuampungi wongkamia hangko i kamasalangki, nodo ikami moampungi woringkai rangangki au masala irikami.

1 Yohane 2:12

Anangku, kuukiakau sura ide, lawi teampungimi dosami i lalu Kerisitu.

Roma 12:10

Mombepokaahikau hadua hai hadua nodo topohalalu, hai mombeadaikau.

1 Yohane 1:9

Ane mopangakuke dosanta, Pue Ala ina mopabukei dandiNa irikita, hai Nababehiake apa au manoto: Ia moampungi dosanta, hai mobahoi lalunta hangko i hinangka dake.

2 Korintu 2:7

Ide-ide hangangaa niampungi. Nipalindo laluna dati gaga masusa pekirina duuna barapi ara peharungana.

Yakobu 5:11

Tauna au mantaha i lalu kapari, ihirami au rauli morasi. Niisami tuntukana Ayubi au mantaha i lalu kapari. Hai kahopoana, ia nawati Pue Ala. Lawi Pue Ala maroa laluna hai maahi ntepuu.

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

Lukasi 11:4

Nuampungi wongkamia hangko i kamasalangki, lawi moampungi woringkai hema-hema pea au masala irikami. Hai inee wongkamia Nupogiangaa rakelo.”

Lukasi 1:78

anti kamaahina Pue Ala Amputa. Ia mai mosondakike hangko i suruga nodo pembetona alo.

2 Peturu 1:7

hai mampokaahikau halalumi hampepepoinalai. Hai mampokaahi worikau ope-ope tauna.

Suro 28:2

Maroa mpuu lalunda ampu boea irikami. Radoko maroangkai, rapatuwoangkai api kipamindui, lawi mepongkami keuda hai makuli.