Epesu 4:24 - Sura Malelaha

²⁴ Hai hangko inditi, hangangaa niula babehia wou au hintoto, lawi napopewalimokau Pue Ala manusia au wou, tunggaiana bona manoto hai malelahakau moula poantiNa haduduaNa.

Epesu 4:24 Referans Kwoze

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Epesu 6:11

Hangangaa mopakekau hinangka parewa pombeala au napasilolongaamokau Pue Ala bona maroho peangkami moewa akalana Datu Tokadake.

Roma 6:4

I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

2 Korintu 3:18

Mewali, ikita ope-ope au mepoinalai i Pue, barapi ara tolombu au mobalungkuhi lalunta. Taisami kuasana Pue, hai kuasaNa iti mobaliki liliu lalunta. Kamahae-haea, katetetambaia kuasana Pue i katuwonta duunta mewali nodo Ia. Inaona Pue haduduaNa au mampopolumao bago iti i lalunta.

2 Korintu 4:16

Ido hai bara ope peharungangki i Pue Ala. Nauri kamalede-ledea watangki ide, agaiana alo-alona kilambi karoho lalu au wou hangko i Pue.

Roma 13:12

Tempo kaindi ide ina liumi, hai ina mabaami. Ido hai hangangaa tatende babehia au makaindi hai tapake parewa pombeala au mewangka.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

1 Peturu 2:2

Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.

Roma 8:29

Lawi tauna au Napileimohe, Napakanoto womohe hangko i nguru-nguruna bona mewalihe himbela hai AnaNa, hai AnaNa iti mewali au towutu i olonda halalu au bosa.

Yohane 17:17

Kuharunga Nupamalelahahe, hai Nupopewalihe kiraMu anti paturoMu au tou. NgkoraMu Uma, itimi au tou.

Galatia 6:15

Ratile ba bara, iti bara paraluu. Au paraluu iami katuwo au wou hangko i Pue Ala.

Galatia 3:27

Lawi ikita ope-ope rariumoke mewali tauna au mohintuwu hai Kerisitu, ido hai manotomoke i peitana Pue Ala hai Naimbamoke himbela hai Kerisitu.

1 Korintu 15:53

Lawi watanta ide ina mate hai ina magoro. Ido hai watanta hangangaa rabaliki mewali wata au barapi ina mate. Hai ane tebaliki watanta, ina tepabukei apa au teuki i lalu Sura Malelaha au manguli node: “Kapate barapi ara, Pue Ala monangimi kapate.”

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

Ibarani 1:8

Agaiana Pue Ala mampololita kana i AnaNa, nauli node: “Oio Pue Ala, kadatuamu bara mokahopoa; Oio moparenta i lalu kahintimba.

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

2 Peturu 1:4

Hangko i peawana tuwoNa hai kamaroana laluNa, Naweimoke dandiNa au maroa ntepuu. TunggaiaNa moweike dandiNa iti bona moulakau poantina Pue Ala hai bona datikau moula peundeana lalumi au kadake au peisa mopakarugikau, nodo au mopakarugihe tauna au bara moisa Pue Ala.