2 Yohane 1:12 - Sura Malelaha

¹² Katouana ngkaia mani au kupeinao kupahaweakau, agaiana bara kuunde ane ope-ope kupahawe melempo i sura ide. Lawi tunggaiaku ina laokau kusondaki, hai ope-ope iti ina kupahaweakau bona matana ntepuuke.

2 Yohane 1:12 Referans Kwoze

Yohane 16:12

Ngkaia mani au Kupeinao Kuuliangaakau, agaiana ide-ide bara mani nibuku modoko ope-ope.

Yohane 15:11

Ope-ope ide Kuuliangaakau bona kamatanaNgku ara irikamu, hai bona buke kamatanami.

1 Yohane 1:4

Kiukiakau ide bona rumihi kamatananta.

Ibarani 13:19

Kuperapi mpuu bona nipekakaea wongkoia bona holigana mesule irikamu.

Yohane 17:13

Ide-ide, ina mesulemoNa Irio Uma. Ope-ope ide Kuuli i tempoKu mani hihimbela hai ihira i dunia ide bona buke kamatananda au ralambi hangko Iriko.

Yohane 16:24

Duuna ide-ide, bara manikau merapi apa-apa i lalu hangaNgku. Perapimide, hai ina nihumba bona buke ntepuu kamatanami.”

Ibarani 13:23

Bona niisa wori: halalunta Timotiu rakabahami hangko i tarunggu. Ane polo hawe inde, kuporanga lao mosondakikau.

Pilemo 1:22

Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.

2 Timotiu 1:4

Ane kukatuinao poteriamu i pogaanta, mabila mpuuna irio, ido hai kupeinaoko kuita bona tepabukei kamatanangku.

Yohane 3:29

Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu.

3 Yohane 1:10

Mewali, ane hawena irio, ina kutuntuako babehiana au kadake. Nasalai liliungkai agaiana pesalaina iti bara tou. Hai bara ido pea babehiana. Ane halalunta au mobambari Ngkora Marasa mehupehe i boeami, barahe nadoko, hai mokonto worihe tauna bona ineehe modoko tauna iti. Hai hema pea au modokohe topoanti Ngkora, napopelohohe hangko i jumaa iti.