2 Timotiu 3:3 - Sura Malelaha

³ Barahe maahi, hai bara raisa mohintuwu. Ina mokakabosai liliuhe ranganda, barahe morempeki peundeana watanda, masekehe, hai mokahihihe apa pea au maroa.

2 Timotiu 3:3 Referans Kwoze

Yudasi 1:18

Au rauliangaamokau iami: i alo-alo au ina hawe hangko damani alo pebotusi, arahe tauna au ina mampopowadi-wadi pepoinalainta. Moula peahe peundeana lalunda au kadake, hai barahe mengkoru i Pue Ala.

Roma 1:31

Barahe mapande, barahe mopabukei dandinda, bara ara ahinda, bara raisa metulungi.

Matiu 10:21

Hambela tempo, tauna ina mohuhuhe halalunda ba ananda au meulahe Iriko bona rapapate. Ara wori anangkoi au ina moewa tosaenda hai ina nahuhuhe rapapate.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

1 Timotiu 3:11

Nodo wori towawinenda, hangangaa manoto babehianda hai au hintotohe rabila. Barahe topoanti-anti lolita. Hangangaa raisa morempeki peundeana lalunda au kadake, hai hangangaa rapoinalaihe i paka-pakana.

Matiu 4:1

Roo indo, Yesu naanti Inaona Pue Ala lao i pada wungi bona nakelo Datu Tokadake.

Pampetudungia 17:6

Kuita towawine iti, malangumi moenu wahenda taunana Pue Ala. Lempona, ia mopapatehe tauna au mopangaku kaYesuna Ampunda. Tingkara mpuuna moita towawine iti.

Pampetudungia 16:6

lawi tauna au i dunia mopapatemohe taunaMu au bosa; mopamabubumohe wahenda nabiMu. Ido hai Nubalimi owai i dunia mewali wahe, hai Nupaenuahe topepapate iti. Hintoto mpuu pehukuMu irihira!”

Pampetudungia 13:17

Bara ara hadua tauna au peisa meholo ba mobalu-balu ane bara ara tanda iti i taiena ba i wingkena. Tanda binata iti, iami hangana binata au nguru-nguruna ba angka au lempona hangana.

Pampetudungia 13:15

Watu molengge au rababehi iti, himbela hai lenggena binata au nguru-nguruna. Binata au karombaana rawei kuasa mowei inao i lengge binata iti alana peisa mololita. Hema pea au bara menomba i watu molengge binata iti batena rapapate.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

2 Peturu 3:3

Ara au hangangaa nikatuinao ntepuu: i alo-alo au ina mai i kahopoa tempo ide, ina hawehe tauna au nakuasai peundeana lalunda au kadake. Tauna iti ina mokakabosaikau,

Yakobu 2:6

Agaiana ikamu mokakabosairikau tauna au meahi-ahi iti hai moadaikau topebuku. Bara pae tauna au pebuku itimohe au moewakau hai moantikau i lindona topoparenta?

Titu 2:3

Nodo wori towawine au saemohe, nupaturohe bona babehianda hintoto hai tauna au mengkoru i Pue Ala; ineehe manguli au bara tou kana i ranganda, hai ineehe paka maenu-enu. Hangangaa mopaguru liliuhe ranganda bona maroa babehianda.

Titu 1:8

Tauna au nuangka mewali penatua, hangangaa tauna au naisa modoko torare, maroa liliu babehiana, matopa, manoto laluna, malelaha katuwona, hai au nabuku morempeki peundeana laluna au kadake.

1 Tesalonika 4:8

Ido hai ane ara tauna au mosapuaka paturo ide, bara manusia au nasapuaka, agaiana Pue Alari au nasapuaka! Tunggaiana Pue Ala moweike Inao Malelaha bona malelaha tuwonta.

1 Korintu 7:9

Agaiana ane bara nibuku morempeki peundeana lalumi, agimimi motambi datikau naanti peundeana lalumi i babehia au kadake.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Lukasi 10:16

Roo indo, mololita mbuli Yesu i topeguruNa, Nauli, “Hema au modoko lolitami, himbelami lolitaNgku au nadoko. Hema au mosapuakakau, himbelami Iko au nasapuaka. Hai hema au mosapuakaNa, himbelami Pue Ala au nasapuaka, lawi Ia au motuduNa.”

2 Peturu 2:19

Rauli guru iti, “Ane nipeulai paturongki, ina tekabahakau hangko i atura-atura, hai peisa mobabehi apa pea peundeami.” Mole ihirari au tuwo nodo hawi, lawi nakuasaihe peundeana lalunda au kadake, hai hema au nakuasai peundeana laluna au kadake, lempona napohawi peundeana laluna iti.

Roma 1:29

Lalunda buke hai hinangka au kadake hai au bara manoto. Mehiorohe, kadakehe, mahinahe; rapeinao peami mepapate, mobungka-bungkahe, meakalangihe, mombepailaluhe, hai meuli-ulihe,