2 Timotiu 2:8 - Sura Malelaha

⁸ Hangangaa nukatuinao: Yesu Kerisitu, Datu Topehompo, pemuleana Datu Daudi, au tuwo hule hangko i kapate. Itimi ihi Ngkora Marasa au kibambari.

2 Timotiu 2:8 Referans Kwoze

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

2 Tesalonika 2:14

Nakakiokau Pue Ala i lalu pohadimi Ngkora Marasa au kipahaweakau bona molambikau kirami i peawana tuwona Amputa Yesu Kerisitu.

Matiu 1:1

Yesu Kerisitu iami pemuleana Datu Daudi, pemuleana Burahima. Mepongka hangko i Burahima hawe i Daudi, hanganda au mampemuleaka Yesu, idemohe:

1 Timotiu 2:7

Ido hai naangkamona Pue Ala mewali suroNa. Natuduna mopahawe bambari iti i tauna au barahe to Yahudi. Natuduna mopaguruahe paturo au tou bona mepoinalaihe i Yesu. Tou mpuu au kuuli ide, barana modongko.

1 Korintu 15:4

I kapateNa, ratawumi, hai i alo katalu rapatuwo hulemi, nodo au teuki i lalu Sura Malelaha.

Pampetudungia 5:5

Roo indo, ara hadua hangko i totosae au rompulo hai iba au mouliangaana, “Ineeko moteria. Lawi ara mpuu au menangi! Ia rauli: Singa hangko i Yehuda; Ia pemuleana Datu Daudi! Ia au peisa mobungkahi penena hai mobungkahi sura iti.”

1 Timotiu 1:11

Paturo au tou iti talambi i lalu Ngkora Marasa hangko i Pue Ala au mahile tuwoNa hai au hintoto ratoia. Ngkora Marasa iti napoinalaiana Pue Ala bona kubambari i ope-ope tauna.

1 Korintu 15:1

Ide-ide halalu, kupeinao kupopaingaakau Ngkora Marasa au kupahaweamokau. Ngkora Marasa iti nidokomi hai nipopobundumi i katuwomi mopakaroho pepoinalaimi.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Suro 13:23

Hangko i pemuleana Daudi, Pue Ala moangkaake hadua Datu nodo au Nadandi hangkoia. Datu iti iami Yesu, Datu Topehorema.

Suro 2:30

Daudi iti, hadua nabi au moisa ami apa au ina nababehi Pue Ala. Naisa kaarana podandina hai posumpana Pue Ala iria au manguli: hadua hangko i pemuleamu ina Kuangka Kupopohuda mewali datu. Mewali, ido hai Daudi mampopaisa ami katuwona hule Datu Topehompo, nauli: ‘Ia bara rapogiangaa i paidaa tomate, hai wataNa bara rapogiangaa i lalu talumba duuna magoro.’

Lukasi 24:46

Nauli, “I lalu Sura Malelaha teuki node: Datu Topehompo hangangaa molambi kapari hai kapate, hai i kataluna alona ina tuwo hule.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Timotiu 2:7

Nupailalu paturongku, lawi Pue ina mopakanoto lalumu bona moisako hinangkana.