2 Timotiu 1:8 - Sura Malelaha

⁸ Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

2 Timotiu 1:8 Referans Kwoze

Roma 1:16

Barana maea mopahawe Ngkora Marasa. Lawi hema pea au mampoinalai Ngkora Marasa iti, kuasana Pue Ala mohoremahe hangko i huku dosanda, nguru-nguruna i to Yahudi, hawe-hawe wori i tauna au barahe to Yahudi.

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

2 Timotiu 1:16

Agaiana Onesiporus, bosami belana mopalindona. Lawi naurina ratarunggu, ia bara maea mosondakina. Kahawena inde i Roma, napari-pari mohaokina, duungku napohidupaa. Hai nuisa kangkaiana petulungina iriko hangkoia tangangku mani i Epesu. Mekakaena i Pue, kuperapi bona ope-ope halaluna Onesiporus Nawatihe, hai bona ahiNa Napatongawa i Onesiporus i alo pebotusi.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

2 Timotiu 2:3

Hangangaa masilolonga woriko mohalea kapari nodo iko, anti pobagomu i Kerisitu Yesu. Tauna au mampopolumao bagona Pue peisa rapandiri nodo hadua surodado au hangangaa mampeulai liliu hawana tadulakona. Kehapiri molambi kapari, bara mengkaroo mobago. Hai bara wori mokadipura liliu pea urusiana haduduana, lawi napeinao mopamatana laluna tadulakona.

1 Tesalonika 3:4

Tangangki mani hihimbela hai ikamu hangkoia, kiuli amimi kaina rapopeahi-ahinta tauna. Hai ide-ide mewalimi.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Epesu 3:13

Ido hai pane kuperapi bona inee masusa lalumi mohadi karapopeahi-ahingku hai karatarungguku anti poantiku Ngkora Marasa irikamu, lawi apa au kutodiha ide moanti pewati irikamu.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

Roma 9:33

Katehubeanda iti tepahawe i lalu Sura Malelaha hangkoia. Datu Topehompo rapandiri nodo haogu watu. Nodo au teuki i Sura malelaha node: “Peita: Kuwoli haogu watu i Bulu Sion, Bosa tauna tehube i watu iti, alanda tepalumba. Agaiana hema-hema au mepoinalai Iria, peharunganda ina tepabukei.”

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 1:2

Mewali hinangka au kuita iti kuuki bona kupahaweakau Ngkorana Pue Ala hai apa au napatongawaamona Yesu Kerisitu.

1 Korintu 1:6

Ope-ope iti mopakanoto kamarohona pepoinalaimi i bambari kana i Kerisitu au kipahaweakau,

Yohane 19:35

Tauna au moita apa au mewali iti, iami au mopahaweakau apa au naita bona mepoinalai worikau. Lolitana ide tou, hai naisa apa au napololita ide tou.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

2 Korintu 6:7

Kipakanoto kaikamina topobagona Pue Ala, lawi mopahawengkai paturo au tou. Kipopolumao bagongki hangko i kuasa au kihumba hangko i Pue Ala. Kibabehi liliu apa au manoto. Babehiangki au manoto peisa rapandiri nodo piho hai laba, lawi ane manoto babehiangki, kibuku moewa iwalingki, hai kibuku mantaha.

Roma 8:36

I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

Yohane 15:27

Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

1 Timotiu 2:6

Ia mohuhu wataNa rapapate mohuru dosa ope-ope tauna. Iti Nababehi i tempo au napakanoto Pue Ala bona tongawa irikita peundeaNa mohorema ope-ope tauna hangko i huku dosa.

Kolose 1:11

Merapingkai i Pue Ala bona Napakaroho lalumi i lalu kuasaNa moula kamarohoNa au mahile bona mantaha liliukau i hinangkana au morumpakau.

2 Timotiu 1:10

Hai ide-ide, Napatongawaa mpuumoke kabulana laluNa, lawi hawemi Kerisitu Yesu Topehoremanta. Yesu monangi kapate. Lempona: kehapirike mate, ane mepoinalaike i Ngkora Marasa, ina Napatuwo huleke Yesu hai Naweike katuwo au bara mokahopoa.

2 Timotiu 2:8

Hangangaa nukatuinao: Yesu Kerisitu, Datu Topehompo, pemuleana Datu Daudi, au tuwo hule hangko i kapate. Itimi ihi Ngkora Marasa au kibambari.