2 Timotiu 1:7 - Sura Malelaha

⁷ Ineeko langa mampopolumao bagomu, lawi Inao Malelaha au naweike Pue Ala bara mopaara kalanga i lalunta, agaiana bona molambike karoho mampopolumao bagonta, mampokaahi hangka ranganta hai morempeki peundeana lalunta.

2 Timotiu 1:7 Referans Kwoze

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

1 Yohane 4:18

Ane taisa mpuu ahina Pue Ala irikita hai tapokaahi halalunta, barapoke langa i Pue Ala. Anti ahina Pue Ala au bara ara kamakurana, ido hai barapoke langa. Ane langa manike ina nahuku Pue Ala, lempona, bara manike moisa ahiNa irikita.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Lukasi 10:19

Nipehadingi lolitaNgku: Kuweimokau kuasa moiheki ile ba topehingki hai kuasa monangi ope-ope kamarohona iwali. Bara ara hadua au peisa mopakarugikau.

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Roma 5:5

Hai ane meharungake i Pue Ala, peharunganta iti bara ina mepakanawo, lawi ope-ope au taharunga hangko Iria ina mewali. Taisa iti, lawi tongawa ahina Pue Ala i lalunta anti pokalena Inao Malelaha au Naweike.

Ibarani 2:15

Hai kapatena Yesu iti, naporara Pue Ala mokabahake hangko i kapate. Lawi hangkoia, tuwoke nodo hawi. Ikita rapandiri nodo hawina Datu Tokadake lawi mampokalangake kapate.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

1 Korintu 2:4

Bambari au kupahaweakau, bara kupahawe hangko i kamapandeku sadudua. Bara kamapandeku mololita au mopakanotoakau katouna bambari iti. Agaiana kuasanari Inao Malelaha, ido hai pane niisa katouna bambari au kuanti.

Lukasi 24:49

Nipehadingi lolitaNgku! Ina Kutudu Inao Malelaha mai irikamu. Agaiana hangangaa nipegia hampai inde i wanua Yerusale, duumi molambi kuasa moula dandiNa UmaNgku.”

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”

Kolose 1:8

Iami au mopahaweangkai noumba kamaahimi hadua hai hadua anti peninina Inao Malelaha.

Suro 6:8

Setepanu, nawati mpuu Pue Ala au mowei kuasa iria. Ido hai nabuku mobabehi ngkaia pakana tanda kuasa i lindonda tauna bosa.

Suro 9:22

Agaiana kamaroho-rohoari Saulu mepaturo, ido hai rapowuli to Yahudi i Damsik, lawi ope-ope paturona iti mopakanoto kaYesuna Datu Topehompo.

Lukasi 8:35

Roo indo, lao mpuumohe ampu boea bona moitahe apa au mewali. Kahawenda i Yesu, raitami tauna au napesuangi seta inona, mohuda nodo tauna biasa i holana Yesu, mebadu hai manotomi pekirina. Ido hai langamohe.

Suro 26:25

Mehana Paulu, nauli, “Gubernur au kubila, bara wongkoia magila. Apa au kuuli ide tou hai hangko i pekiringku au manoto.

Lukasi 15:17

Kahopoana, mokatuinaomi umana, hai nauli laluna, ‘I souna umangku, mogalorihe topobago, melabi-labi paandenda, agaiana iko, ina mateohomona inde.

Suro 26:11

Bosa belanda kupopeahi-ahi i lalu sou penombaa, hai kupari-parihe mosapuaka pepoinalainda i Yesu. Masodo mpuuna moitahe, ido hai hawena i boea-boea au karao mampopeahi-ahihe.”