2 Timotiu 1:13 - Sura Malelaha

¹³ Timotiu! Kupopaingaako paturo au nuhadimi hangko iriko. Paturo au tou iti hangangaa nupeulai. Inee nukabaha pepoinalaimu i Kerisitu Yesu. Hangangaa maahiko i hangka rangamu anti pohintuwumu hai Yesu.

2 Timotiu 1:13 Referans Kwoze

Titu 1:9

Hangangaa maroho pepoinalaina i paturo au tou, nodo au nadokomi bona naisa rara mopaguru tauna i paturo au tou iti hai mopakaroho lalunda, hai bona nabuku wori mopatongawa kamasalanda tauna au moewa paturo iti.

2 Timotiu 3:14

Agaiana oio Timotiu, hangangaa mokingki liliuko paturo au roomoko rapaturoa hai au nupoinalaimi. Hai nuisa katouna paturo iti, lawi nuisa kahemanda au mopaguruko.

Pilipi 4:9

Apa au nipegurui hangko iriko, maroa paturongku au nihadi hai au nidoko, maroa babehiangku au niita, itimi au hangangaa nibabehi. Ane nodo nibabehi, Pue Ala ina mamporangaikau hai mopatinda lalumi.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Pampetudungia 3:11

Barapi mahae ina hawemoNa! Hangangaa nikingki maroho-roho paturo au niisami datikau mala rapakanawo alana songko kadatua au naweimokau Pue Ala anti penangimi, raperampai tauna ntanina.

Pampetudungia 3:3

Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.

1 Timotiu 1:14

Nauri mahile dosangku, agaiana melumbu mani kamahilena ahina Pue Ala. Natulungina hangko i kabulana laluNa, alana mampoinalai hai mampokaahina Kerisitu Yesu.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.

Ibarani 10:23

Hangangaa meharunga liliuke i Yesu, hai ineeke langa mopangaku kaIana Amputa, lawi Pue Ala mopabukei liliu dandiNa irikita.

2 Timotiu 1:14

Napoinalaiamoke Pue Ala moanti paturo au tou. Mewali, anti kuasana Inao Malelaha au maida i lalunta, nukampai maroa paturo iti; inee nupogiangaa nabaliki tauna ntanina.

Titu 2:1

Agaiana oio Titu, hangangaa mepaturoko hai paturo au tou.

1 Timotiu 6:3

Ane arahe au moanti paturo au mosisala hai paturonta, barahe mampoinalai paturo au tou hangko i Amputa, Pue Yesu Kerisitu hai bara worihe mampoinalai lolita au mopaturoke bona mengkoruke i Pue Ala,

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

1 Timotiu 1:10

tauna au mebualosi hai tauna au mobabehi babehia au merikai nodo au rababehi tobalilo hore tobalilo ba towawine hore towawine, tauna au motawani rangana bona rapohawi tauna au mosabi dongko, hai ope-ope tauna au mobabehi apa au bara hintoto hai paturo au tou.

Pampetudungia 2:25

Nipeulai liliu apa au niisami duuNgku hawe.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Titu 2:8

Pololitamu hangangaa au manoto liliu hai au bara ara kamasalana. Ane nodo babehiamu, ina maeahe tauna au moewake, lawi bara ara lolita kadake au peisake rasalaia.

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

Kolose 1:4

lawi kihadimi bambari au mopahawe noumba kamarohona pepoinalaimi i Kerisitu Yesu hai kamaahimi i ope-ope tauna au mepoinalai.

2 Timotiu 1:1

Sura ide hangko iriko Paulu, kupakatu hawe irio Timotiu, anangku au kupokaahi. Naangkamona Pue Ala mewali surona Kerisitu Yesu moula peundeana, bona moantina Ngkora Marasa i ope-ope tauna. I lalu Ngkora Marasa iti, Pue Ala modandi node: hema au mepoinalai i Kerisitu Yesu, batena molambi katuwo maroa au bara mokahopoa. Kuharunga Pue Ala Umanta hai Pue Yesu Kerisitu mowatiko, hai Napatongawaako ahiNa hai moweiko roa ngkatuwo.

2 Timotiu 4:3

Lawi i alo-alo au ina mai, tauna barapi ina raunde mampehadingi paturo au tou. Ina mohaokihe guru-guru au mopaturoahe lolita au mopakatana pea lalunda bona peisahe mampeulai apa peundeana lalunda.