2 Peturu 3:12 - Sura Malelaha

¹² Lawi ikita ide mampegiake alo pebotusina Pue Ala. Agina tapamaroa-roa peulanta i Pue Ala bona holiga hawe Alo iti. I alo iti, langi ina naande api, hai hinangkana au ara ina magonu anti kamapanana.

2 Peturu 3:12 Referans Kwoze

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Yudasi 1:21

Hangangaa tuwokau i lalu pepokaahina Pue Ala, tangami mampegia pekiraina Amputa, Yesu Kerisitu, au ina moweike katuwo au bara mokahopoa.

Pilipi 1:6

Pue Ala au mobago i lalumi, hai maroa mpuu bago au Napepongka i lalu katuwomi. Hai kupoinalai Pue Ala ina mopaliliu bago iti duuna hopo apa au Natunggai i lalu katuwomi i alo kahawena hule Kerisitu Yesu.

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

2 Peturu 3:4

rauli, “Yesu modandi ina hawe hule. Agaiana iumbami? Bara kipoinalai, lawi matemohe toiorunta hangkoia hai mepongka hangko i pewalina dunia duuna ide-ide, dunia ide bara ara katebaliana.”

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.