2 Korintu 6:5 - Sura Malelaha

⁵ Rapapahaingkai, ratarunggungkai, radulungkai, hai mobago mantimingkai. Bosa belana barapongkai leta, bosa wori belana bara ara paandeki.

2 Korintu 6:5 Referans Kwoze

2 Korintu 11:27

Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

Suro 17:5

Agaiana to Yahudi au bara mepoinalai, mahinahe i Paulu hai Silas. Ido hai mokakiomohe tauna au lohehe mobago hai au mohuda-huda peahe i pobalu-balua. Bosamohe teruhu, hai mobabehimohe silaka i lalu wanua. Kahawenda i sou au rapaidai Paulu hai Silas, pesuanda peami. Tunggaianda mohakahe Paulu hai Silas hai raanti lao i lindonda tauna bosa,

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Ibarani 13:23

Bona niisa wori: halalunta Timotiu rakabahami hangko i tarunggu. Ane polo hawe inde, kuporanga lao mosondakikau.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Ibarani 11:36

Arahe au rakakabosai hai rakandangi, ara worihe au rataka hai ratarunggu.

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

1 Timotiu 4:10

Ido hai hangangaa mobago mantimike, lawi mepoinalaike i Pue Ala au tuwo i hae-haena hai au mohorema ope-ope tauna, ihira au mepoinalai Iria.

1 Tesalonika 2:9

Halalu, manoto nikatuinao mpuu noumba karumihina pobagongki hangkoia. Mabaa ba kaindi mohaoki liliungkai paandeki datikau kipakapari tangangki mopaturoakau Ngkora Marasa au hangko i Pue Ala.

Pilipi 1:13

Surodado au mokampai souna datu hai ope-ope tauna inde moisa ratarungguna anti peulangku i Kerisitu.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Suro 28:30

Roo indo, Paulu maida i Roma rompare kamahaena i hambua sou au nasaro. Matana laluna modoko tauna au mai mosondaki.

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

Suro 26:10

Hai iti kubabehi wori i Yerusale. I tempo iti, molambimona sura kuasa hangko i kapala-kapala tadulako mpenomba, hai bosa worihe to Sarani kutarunggu. Kupokana wori ane rahuku matehe.

Suro 24:27

Liumi rompare, Gubernur Feliks napahurumi Perkius Festus. Anti kanapeinaona Feliks mangala lalunda to Yahudi, ido hai Paulu napogiangaa ratarunggu liliu.

Suro 23:35

nauli, “Ane nodo, ina kuparesa mpuu kara-karamu ane hawehe iwalimu.” Roo indo, natudumi surodadona mokampai Paulu i lalu sou mahile au naaro Datu Herode hangkoia.

Suro 23:10

Hangko inditi, karurumihiari pombehanainda, alana kapala tadulako surodado iti mampokalanga Paulu ina rapombehepa-hepai. Ido hai natudumohe surodadona lao mangala Paulu raanti hule i sou surodado.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 13:3

Mewali, karoonda mopuasa hai mekakae, raonami taienda i Baranaba hai Saulu. Roo indo, rapopelingkamohe lao mobambari Ngkora Marasa.

Suro 5:18

Mohakamohe surona Pue Yesu iti hai ratarungguhe.

Matiu 14:10

Natudumi surodadona lao i lalu tarunggu mobohoki tambolona Yohane.

Matiu 14:3

Idemi tuntukana kamatena Yohane Toperiu. Datu Herode moala Herodias napotambia. Herodias iti iami towawinena halaluna au rahanga Pilipu. Bosa belana Yohane mokambaroa Herode hangko i babehiana iti, nauliangaa, “Barako peisa mampotambia towawine iti! Babehiamu iti moliungi Aturana Musa!” Ido hai Herode motudu surodadona mohaka Yohane, rahilu hai rapopesua i lalu tarunggu.

Matiu 9:15

Nahanaihe Yesu hai ngkora pandiri, Nauli, “Tauna i posusa petauna barahe mopuasa i tempona toratauna tobalilo ara mani i olonda. Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”