2 Korintu 1:12 - Sura Malelaha

¹² Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 1:12 Referans Kwoze

1 Korintu 2:13

Mewali, ane mopahawengkai Ngkora Marasa, barakau kipahawea hangko i kamapandeki mololita. Agaiana kipakanoto bambari iti hai lolita hangko i Inao Malelaha i tauna au molambihe Inao Malelaha.

2 Korintu 2:17

Agaiana ikami, barangkai nodo tauna au mohaoki peahe doi hangko i popahawenda Ngkorana Pue. Mopahawengkai Ngkorana Pue hangko i kabulana lalungki anti pohintuwuki hai Kerisitu moula tunggaiana Pue Ala au motudungkai mampopolumao bagoNa. Iami au mampetirongkai.

1 Tesalonika 2:10

Niisa kamanotona babehiangki irikamu au mepoinalai i Pue Yesu. Babehiangki manoto, bara ara kamasalangki. Ikamu au mewali sabingki hihimbela hai Pue Ala.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

Ibarani 13:18

Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

2 Korintu 8:8

Au kuuliangaakau ide bara nodo parenta. Tunggaiaku bona kupopaisaakau noumba kamahilena ahinda to Makedonia mokira doi petulunginda i ranganda. Hai hangko inditi, peisa kuita noumba kamahilena ahimi.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Epesu 6:14

Mewali, nipakaroho peangkami hai parewa pombeala au hangko i Pue Ala. Nipakaroho peulami i paturo au tou kana i Pue mewali nodo pampou i pekomi. Nipamanoto babehiami mewali nodo badu besi au motabungi watami.

Galatia 6:4

Agina ope-ope tauna mampekiri babehiana haduduana, maroa ba bara. Ane maroa, peisa napokatana. Hai ineemi napapahintoto hai babehiana rangana.

2 Korintu 11:3

Agaiana kuperapi ineekau hawe rapakanawo alana barapokau mepoinalai i Kerisitu hangko i lalumi. Nodo ile mokelo Hewa hai lolitana au momi, ara worihe tauna au mampeinao bona moulakau paturonda au mosisala hai pepoinalaimi i Kerisitu.

2 Korintu 1:17

Agaiana tunggaiaku iti tebalikimi. Mewali ba nipehanguri bara tou dandiku? Ba niuliri, kubabehi pea tunggaiaku moula peundeaku haduduangku; hambelana manguli, “Io,” roo indo, kuuli mbuli, “Bara”?

1 Korintu 5:8

Mewali, mamposusaimoke Posusa Pasa i lalunta. Hangangaa tatende ragi au hae, lempona babehianta hangkoia au kadake. Hai hangangaa maandeke roti au wou au bara raragii. Lempona hangangaa moulake peundeana Pue Ala hangko i kabulana lalunta.

1 Korintu 4:4

Kuisa kabulana lalungku, agaiana bara iti au mopamanotona. Pue rai au ina moparesa lalungku manoto ba bara.

Roma 9:1

Apa au kuuli ide hangko i lalungku mpuu. Barana modongko. Kerisitu moisa lalungku. Hai notona lalungku ide nasabiki Inao Malelaha.

Yakobu 4:6

Agaiana melumbu petulungina Pue Ala au Naweike hangko i kabulana laluNa pane kamahinana lalunta. Ido hai ara au teuki i lalu Sura Malelaha node: “Pue Ala moewahe tauna au mampemahile, agaiana tauna au mengkaiwoi, Natulungi anti kabulana laluNa.”

Titu 2:7

Hai oio, Titu, ope-ope babehiamu hangangaa mewali pandiri. Ane mepaturoko, mepaturoko hangko i lalumu mpuu, hai hangangaa manoto babehiamu.

1 Korintu 1:17

Barana Naangka Kerisitu mewali suroNa bona moriuna tauna, agaiana Naangkana bona moantina Ngkora Marasa. Ane mopahawena Ngkora Marasa, barana mololita hangko i kamapandeku datihe ara tauna au mampoinalai i Kerisitu anti kamapandeku mololita, agaiana mepoinalaihe anti kuasa kapatena Kerisitu, bona kapatena Yesu i kau mombehape, bara mbero-mbero.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.