1 Yohane 3:4 - Sura Malelaha

⁴ Ope-ope tauna au mobabehi dosa molingkaihe hawana Pue Ala. Lawi au rauli dosa iami polingkaita hawana Pue Ala.

1 Yohane 3:4 Referans Kwoze

1 Yohane 5:17

Ope-ope babehia au kadake, batena dosa. Agaiana ara dosa au barake moanti i kapate.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

2 Korintu 12:21

Au kupokalanga: i kahawengku irikamu, Pue Ala Ampuku ina mopakaeana i lindomi, hai ina moteriana lawi bosa tauna i olomi bara manihe menoso hangko i babehianda au kedai, hangko i pebualosinda hai i potambi-tambi dele hai babehianda au merikai hai au bara hintoto rababehi.

Roma 4:15

Lawi au tahumba hangko i Aturana Musa iami karumpuna pea Pue Ala, lawi moliungike Atura iti. Ane rapana Pue Ala barake mowei aturaNa, kebarake masala moliungi atura iti.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

Matiu 5:19

Idomi hai Kuuliangaakau, hema au moliungi hampaka pea parenta i lalu Aturana Pue Ala, nauri parenta au koi ntepuu, hai mopaturo tauna ntanina bona mobabehi nodo, tauna itimi au koi ntepuu katuwona hangko i ope-ope taunana Pue Ala. Agaiana hema au mampeulai ope-ope parenta i lalu Aturana Pue Ala hai mopaturo tauna ntanina mobabehi nodo, tauna itimi au mahile ntepuu katuwona hangko i ope-ope taunana Pue Ala.

Suro 23:3

Mehana Paulu i Tadulako Mpenomba Mahile, nauli, “Ina Nahapa woriko Pue Ala, maroa i raoa peako! Kara-karangku hangangaa nubotusi moula Aturana Musa, agaiana oio haduduamu au moliungi Aturana Musa, lawi nutuduhe tauna mohapana!”