1 Yohane 1:2 - Sura Malelaha

² Au mopaara katuwo iti hawemi i dunia ide, hai kiitami. Ido hai kipakanotoakau kahemaNa. Kisabikimi kaIana au mopaara katuwo maroa au bara mokahopoa. Ia au ara hihimbela hai Pue Ala Umanta, hai au rapatongawami irikami.

1 Yohane 1:2 Referans Kwoze

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Yohane 1:4

Iami pongka katuwo. Hai katuwoNa mopamabaa laluna manusia.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

1 Yohane 5:11

Idemi posabina Pue Ala: Ia moweimoke katuwo maroa au bara mokahopoa, hai katuwo iti talambi anti pohintuwuta hai AnaNa.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

1 Yohane 3:5

Hai niisa mpuu halalu, tunggaiana Yesu mai i dunia ide bona mogewo dosa manusia, nauri Ia haduduaNa, bara ara dosaNa.

2 Timotiu 1:10

Hai ide-ide, Napatongawaa mpuumoke kabulana laluNa, lawi hawemi Kerisitu Yesu Topehoremanta. Yesu monangi kapate. Lempona: kehapirike mate, ane mepoinalaike i Ngkora Marasa, ina Napatuwo huleke Yesu hai Naweike katuwo au bara mokahopoa.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

Yohane 15:27

Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Suro 10:41

Agaiana Yesu bara tongawa i ope-ope tauna, batena pea irikami au napilei amimongkai Pue Ala mewali sabiNa. Hai i katuwona hule Yesu, maenu hai maande sambelangkai hai Ia.

Suro 5:32

Ikamimi sabina hinangkana iti, ikami hai Inao Malelaha, au nawei Pue Ala i ope-ope tauna au mengkoru i hawaNa.”

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Yohane 21:14

Itimi kataluna belana Pue Yesu mopatongawa wataNa i topeguruNa mepongka i katuwoNa hule.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Yohane 16:28

MeangkaNa hangko i UmaNgku maiNa i dunia ide. Ide-ide, ina Kupalehimi dunia ide, hai mesuleNa i UmaNgku.”

Yohane 8:38

Apa au kuita hangko i UmaNgku, itimi au Kuuliangaakau. Agaiana ikamu mobabehi apa au napaturoakau umami.”

Yohane 7:29

Iko, Kuisa lawi hangko IriaNa mai, hai Iami au motuduNa.”

Yohane 3:13

Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

1 Yohane 1:1

Sura ide mampololita kana i Ngkora au mopaara katuwo. Ngkora iti, arami hangko i nguru-nguruna, kihadimi, kiita matami, kisabikimi hai kipetobomi.

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 19:35

Tauna au moita apa au mewali iti, iami au mopahaweakau apa au naita bona mepoinalai worikau. Lolitana ide tou, hai naisa apa au napololita ide tou.

1 Yohane 2:25

Hai idemi dandiNa irikita: katuwo maroa au bara mokahopoa.

1 Yohane 4:2

Ide au mopakanotoake hema au nakuasai Inaona Pue Ala: ope-ope tauna au mopangaku kaYesuna Datu Topehompo au mewali manusia, tauna iti napoanamohe Pue Ala.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

1 Yohane 5:13

Sura ide kuukiakau au mepoinalai i Anana Pue Ala bona moisa mpuukau kamolambimimi katuwo maroa au bara mokahopoa.