1 Timotiu 5:22 - Sura Malelaha

²² Ineeko hoholiga moangka tauna mewali penatua, nuparesa hampai babehianda bona dati oio au mohuru ane mobabehihe dosa. Maroa-roako bona manoto liliu babehiamu.

1 Timotiu 5:22 Referans Kwoze

Epesu 5:11

Mewali, inee nipeulai babehianda tauna au makaindi mani lalunda, lawi bara ara babehia maroa au mesupa hangko i lalu au makaindi. Agina nipatongawaa peamohe kakadakena babehianda iti.

1 Timotiu 3:10

Ane ara hadua tauna au mampeinao mewali diaken, nipeita hampai babehiana, ane bara masala, hangko peisari raangka mewali diaken.

1 Timotiu 3:6

Ane ara hadua tauna au hangko mepoinalai i Pue Yesu, ia bara peisa raangka mewali penatua, dati mampemahile, alana molambi pehuku nodo au rahukua Datu Tokadake.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

2 Yohane 1:11

Lawi hema pea au modokohe nodo halalu hampepepoinalainda, himbela pea hai motulungi worihe i lalu pobagonda au kadake iti.

2 Timotiu 1:6

Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

Suro 13:3

Mewali, karoonda mopuasa hai mekakae, raonami taienda i Baranaba hai Saulu. Roo indo, rapopelingkamohe lao mobambari Ngkora Marasa.

Pampetudungia 18:4

Roo indo, kuhadi mbulimi hambua wotu hangko i suruga au manguli, “Padumokau taunaNgku! Melohomokau hangko i wanua ide. Ineekau mampeulai dosanda ampu boea ide, datikau nalelehi pepopeahi-ahi au morumpahe.

Suro 20:26

Mewali kupakanotoa amimokau alo ide: ane arakau au molambi rugi, barapi salangku,

Suro 18:6

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”

1 Timotiu 3:2

Ido hai hadua penatua hangangaa au bara ara kamasalana. Hangangaa hadua pea towawinena, hai hangangaa nabuku morempeki peundeana laluna au kadake. Hangangaa manoto laluna hai maroa adana. Hangangaa matana modoko torarena. Hangangaa naisa mepaturo.