1 Timotiu 2:10 - Sura Malelaha

¹⁰ Aginami towawine ratoia anti babehianda au maroa, hintoto hai poanti towawine au mengkoru i Pue Ala.

1 Timotiu 2:10 Referans Kwoze

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

Pampetudungia 2:19

Nauli: Kuisa noumba babehiami. Kuisa ahimi hai pepoinalaimi Iriko. Maroa pampopolumaomi bagoNgku. Mantahakau i lalu kapari. Meliu karumihina pobagomi Iriko ide-ide hangko i pobagomi i tempomi nguru-nguruna mepoinalai Iriko.

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Suro 9:39

Mewali, meangka mpuumi Peturu lao hihimbela hai ihira. Kahawenda i Yope, liliu raanti lao i karapowataana Dorkas. Ope-ope tobemba au towawine meangkahe motoleliki Peturu. Moteriamohe hai ratudungiami Peturu badu hai hampi au nadauahe Dorkas i tempona mani tuwo.

1 Timotiu 2:9

Nodo wori towawine. Hangangaa mopakehe hampi au hintoto, moula ada au maroa. Ineehe mobubungai hampinda bona ratoiahe ranganda, ineehe mampopengaa-ngaa weluanda, ineehe mopake bulawa ba mutiara hai hampi au masuli-masuli.

1 Timotiu 2:11

Towawine hangangaa mengkoru hai mandii-ndiihe mampehadingi paturo.