1 Peturu 3:15 - Sura Malelaha

¹⁵ Agina nipaisare katuwomi i Kerisitu, hai nipangaku kaIana pea Ampumi. Nipasilolonga amimi pehanami i tauna au mekune irikamu kana i peharungami i Pue Ala. Agaiana ane nihanaihe, hangangaa nipamaalusu lolitami hai meadaikau.

1 Peturu 3:15 Referans Kwoze

Kolose 4:6

Ane molololitakau hai ihira, nipamaalusu lolitami bona moantikau katuwo maroa irihira. Hai nipekiri maroa apa au nipahaweahe bona niisa mohanai pampekunenda.

1 Peturu 3:2

lawi ane moitahe babehiami au malelaha hai pengkorumi, itimi au moantihe mepoinalai i Pue.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Ibarani 6:1

Mewali, halalu, barapokau kipagurua patoa paturo kana i Kerisitu. Agaiana hangangaa kipahaweamokau paturo kaliliuana bona manoto lalumi hai pekirimi. Ineeke mesule-sule i paturo au nguru-nguruna. Tauna au hangko mewali to Sarani hangangaa rapaturo bona menosohe hangko i babehianda au kadake hai mepoinalaihe i Pue Ala.

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Suro 21:39

Nahanai Paulu, “Iko to Yahudina, hangko i Tarsus, wanua au tehanga i tampo Kilikia. Kuperapi bona niwei wongkoia tempo mopahawe lolitangku i tauna bosa.”