1 Peturu 1:6 - Sura Malelaha

⁶ Ido hai hangangaa matana liliukau. Ide-ide masusa lalumi lawi ara ngkaia pakana kapari au morumpakau. Agaiana nauri nodo, hangangaa nipamatana lalumi, lawi kaparimi iti hampalai pea.

1 Peturu 1:6 Referans Kwoze

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

Roma 12:12

Nipamatana lalumi anti peharungami i hinangka au ina nababehiakau Pue Ala. Mantahakau i lalu kapari. Mekakae liliukau.

Roma 5:2

Anti pepoinalainta i kanatanga-tangainta Yesu Kerisitu au mopahintuwuke hai Pue Ala, ido hai taisami kabulana laluna Pue Ala i lalu katuwonta ide. Hai matana lalunta, lawi maroho peharunganta. Anti peharunganta iti, taisa kaina molambita kiranta i lalu peawana tuwona Pue Ala.

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Matiu 11:28

Maimokau ope-ope au mawowe hai au mantimi haleami. Ina Kuweihaakau haleami.

Roma 5:11

Hai bara pea iti, matana mpuu lalunta mampokatana roana Pue Ala au tahumba anti kanapahuruntami Amputa Yesu Kerisitu. Lawi hangko i Yesu Kerisitu, maroami pohintuwuta hai Pue Ala.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Lukasi 10:20

Agaiana nauri nodo, inee nipokatana pengkorunda seta irikamu. Aginari nipokatana kateukinami hangami i lalu suruga.”

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Yakobu 4:9

Hangangaa moteriakau anti kamadosami. Ane niisa kamadosami, bara maroa ane nipokatanari, hangangaa nipenosoi hangko i kamasusana lalumi,

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Yakobu 1:9

To Sarani au meahi-ahi tuwonda, hangangaa matanahe, lawi nauri nodo, batena napaiwongkohe Pue Ala anti pepoinalainda.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

Pilipi 4:4

Halalu, hangangaa matana-tana liliukau i lalu pohintuwumi hai Pue. Hambela mani kuuli: hangangaa matana-tanakau.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Roma 9:2

Mapari mpuu pehadingku hai masusa mpuu lalungku, lawi hangka to Yahudingku barahe mepoinalai i Yesu.

Pilipi 2:26

Ia kutudu mesule, lawi mabilami irikamu hai masusa laluna lawi au liu nihadi kamahaina.

Lukasi 2:10

Nauliangaahe malaeka iti, “Ineekau langa, lawi maina moanti bambari maroa irikamu, bambari au rapokatana ope-ope tauna.

Lukasi 1:47

Matana mpuu lalungku lawi Pue Ala mohoremana hangko i huku dosangku.

Matiu 26:37

Agaiana Ia mowawaha Peturu hai anana Sebedeus au rodua bona meulahe Iria. I tempo iti, mapari Nahadi hai moradami laluNa.

1 Peturu 3:17

Agintami molambi kapari anti babehianta au maroa, ane iti peundeanami Pue Ala, paneke molambi kapari anti babehianta au kadake.