1 Korintu 9:13 - Sura Malelaha

¹³ Bara pae niisa halalu, tauna au mobago i lalu Souna Pue Ala molambi paandenda hangko i Souna Pue Ala? Bara pae tadulako mpenomba au mokadipura popenombanda tauna bosa i meja pohuwea popenomba, molambihe kiranda hangko i popenomba iti?

1 Korintu 9:13 Referans Kwoze

1 Korintu 10:18

Peita adanda to Isaraeli. Ane mohuhuhe popenombanda i Pue Ala i wongko meja pohuwea popenomba, hangangaa maandehe hangkira hangko i popenomba iti, tanda pohintuwunda hai Pue Ala i lalu penombaanda.

Roma 6:16

Niisato halalu, pandirina, ane mengkoruke i hadua tauna hai mampeulaike hawana, napohawimoke tauna iti. Nodo wori hai dosa, ane mampeulai liliuke peundeana lalunta au kadake, napohawimoke dosa. Kahopoana ina molambike kapate au mogaakike hangko i Pue Ala hawe i hae-haena. Agaiana ane mengkoruke i Pue Ala, mewalike taunana Pue Ala au mampeulai peundeaNa.

1 Korintu 9:24

Halalu, niisa ane tauna momberiri melangka, bosa tauna au melangka, agaiana hadua pea au molambi parasee. Ikamu wori halalu peisa rapandiri nodo tauna au momberiri melangka; hangangaa nipari-pari moula peundeana Pue Ala duuna molambikau parasee.