1 Korintu 16:13 - Sura Malelaha

¹³ Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

1 Korintu 16:13 Referans Kwoze

Epesu 6:10

Kahopoana halalu, hangangaa marohokau i lalu karoho au nihumba hangko i kuasana Pue, lawi mohintuwumokau hai Ia.

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

2 Tesalonika 2:15

Mewali halalu, nipakaroho pepoinalaimi, mekingki liliukau i hinangka au kipaturoamokau, maroa au kiuliangaakau ba au kiukiakau i lalu surangki.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

Pilipi 4:1

Mewali halalu au kupokaahi hai au kukabilai: nipakaroho pepoinalaimi i Pue. Ikamumi au kupomahile hai au kupokatana lalu.

1 Tesalonika 3:8

Mewali, maroho hulemi buungki, lawi maroho pepoinalaimi i Pue Yesu.

2 Timotiu 4:7

Kupeulai maroami rara au napakanotoana Pue. Kupahopomi bagongku. Pepoinalaingku bara tebali hawe i kahopoana.

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

Matiu 26:41

Mainga-ingamokau hai mekakaemokau datikau narumpa pekelo. I lalumi niunde mpuu mobabehi au manoto, agaiana bara nibuku lawi watami batena malede.”

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

1 Timotiu 6:12

Nupari-pari bona tuwoko hintoto hai apa au nupoinalai, hai nupakaroho pepoinalaimu au moantiko i katuwo maroa au bara mokahopoa. Lawi itimi tunggaiana Pue Ala mokakioko mewali taunaNa bona molambiko katuwo maroa au bara mokahopoa hai au nupangakumi i lindonda tauna bosa, kamepoinalaimu i Pue Yesu.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

2 Timotiu 2:1

Mewali, Timotiu anangku! Nupakaroho mpuu lalumu hai karoho au tahumba hangko i Kerisitu Yesu moula kabulana laluna Pue Ala.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

1 Tesalonika 5:6

Mewali, ineeke lera, ineeke leta mposo nodo tauna au bara mani moisa Pue Ala. Mainga-ingake, hai hangangaa tapamanoto pekirinta.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Pampetudungia 16:15

Mewali, tegulu mpuumohe ope-ope datu hai surodadona hangko i humalele dunia, i hambua paidaa au i lalu basa Ibarani rahanga: Harmagedon. Nauli Pue Yesu, “Nipehadingi! Ina haweNa i tempo au bara niisa, lawi kahaweNgku nodo topanangka. Morasihe tauna au mainga-inga hai au masilolonga liliu hampinda. Ane haweNa deade, barahe ina lumao mengkabela hai barahe ina maea, lawi masilolongahe Kukahawei.”

2 Timotiu 4:5

Timotiu, kuweiko lolita bona nuisa morempeki peundeana lalumu. Mantahako mohalea kapari. Mobambari liliuko Ngkora Marasa, hai nupahopo maroa ope-ope bago au naweimoko Pue.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Matiu 25:13

Napahopo Yesu ngkora pandiriNa node, “Ido hai hangangaa masilolongakau, lawi bara niisa kaimpirana kahaweNgku.”