ซาโลโมอแท๊ 1:4 - Northern Pwo Karen Thai Bible

⁴ อวีงซ้ะชู้ ลี้ฌ้า แย้, เกม๊า ก ปชื่ง ลี้-อ้ะ กจุ้แฆว้ นี่ ลี้ฌ้า แย้ ลู่ง อ ทล่าง พ้ะเล่ พ้า ก ม เฌ้เทิงลี่ง ดี๊ ซ้ะอวีงซ้ะโทะ ลู่ง น อกย้อง ก ม ช๊องมอง นางแบ น ทเอทกวี้ง, ท่อง อ แอเละ ไซ้ะ ซไบ้ะแซ ที๊ง ได้ะ พี่ อ ซื๊งเว๊ ซีง ลแพ เอ แน้ นอ เกิ้ง เย้า

ซาโลโมอแท๊ 1:4 Referans Kwoze

โยฮาง 6:44

แพ่ ลู่ง อ เกม๊า จ เฌ๊ ล้าง ล แฌ้ นอ, เมะ ล เฌ๊ ฌ้า เว๊ แบ นอ, โพล้ง เฌ๊ ฌู แย้ ล ซี น่าง แฌ้ แบ ล้อ, โพล้ง ลู่ง อ เฌ๊ ฌู แย้ ล แฌ้ๆ, นอ จ ม ดึ้ เฌ้เทิง ม๊า ทาง ไท้ เว๊ ลู่ง มื่ง ไค๊ ทึ ล นี้ง นอ ล้อ

โฮเชยา 11:4

ก ม้อง-อ้ะ ดี๊ พลี้ง ลู่ง ท ย๊างเซิงย๊างซ้ะ ดี๊ พลี้ง ลู่ง ทเอทกวี้ง ก เก โพล้ง ดึ้ เกม๊า อ แอะ ลู่ง อ แคฆีงไท้ะ ล้างฆวี๊ง ทาง ดี๊ ก ซย๊องล้าง ซ้ะ ลื่ง-อ้ะ

โยฮาง 12:32

พี่ โพล้ง ม บุ้ ทาง แย้ พ้อง ไฆวะ ฌางคู คู นอ, จ ม ดึ้ เกม๊า โพล้ง เฌ๊ ลู่ง จ โอ กุ้ อ แฌ้”

เยเรมี 31:3

กแช่ยาเว เนโพลทาง อ ซ้ะ เอะ-อ้ะ ลู่ง ทล่าง ไย้โยะ ไจ้ะเว๊ ก นี่ เอแน้กวี้งแน้ ดี๊ ทเอทกวี้ง ล้างชู้ล้างแกย อกย้องบี่นอ, ก เฌ๊ฌ้า แน้ ดี๊ ทเอทกวี้ง ลู่ง อเฌิ่งอค๊า ล้อ

ฮีบรู 12:1

ท บี่ นอ, พี่ ก พีงญาง โอ แอ ฌี่ง แอ ฌ้อง วะ ก ฆ้อง บี่ อี้ง นอ, เกม๊า ก แม้ ไฆวะ ท กุ้ อ เม้ง พี่ อ แม้ ไทะทะ เฆ้อ, ดี๊ แม้ ไฆวะ ท เด้บ้ะ พี่ อ บึ้เบง เฆ้อ, ฌ้อง ท ซยู๊ แท้ พี่ อ แบ ทอางกี ล้าง เว้ เอะ เฆ้อ นอ, เกม๊า ก ซยู๊-อ้ะ ดี๊ ท เอ้า เซิง เอ้า ซ้ะ

ลูกา 22:19

ท่อง อ ช๊าง กแช่ เยซู พองนี่ กู ล ลอง, ไจ้ะ บลึ้ ทาง กแช่ แยว้, ฌ้อง บุ้แค่ เว๊ เน ฆ้าง เอะ อ พู อ ลี้ง ล มู๊ง นอ แฌ้ ไก้ แฌ้ ไก้, ไจ้ะ เว๊, “อ อี้ง นอ เก จ ล้อง จ ย่าง, พี่ จ ม เกล๊าง ล้าง ลู่ง น ซื๊ง ฌ่าง, แม้ บี่ อี้ง บี่ ซุ้ น ม นาง แบ แย้ ล้อ”

ลูกา 2:10

แบ เด้าะ ท มุ้คู พู โล้ แบ-อ้ะ, “ซ้ะเม เท่อ ล ฌี้, จ เฌ๊ โล้ ล้าง ท ฌี้ อ ไฌ่ เอะ น ซื๊ง, เมะ เว๊ ท ซ้ะอวีง ซ้ะโทะ พี่ ม เฌ๊ ท้อง โพล้ง กุ้ อ แฌ้

ม้ะทู 25:10

พี่ อซื๊งเว๊ ลี้ ฆวี้ เท่อ อ ล่างไค๊ นอ, เม้ากแช่ แคว๊ เฌ๊ ท้อง, อ มืง เย่ แฌ้ พี่ อ แด้ เว้ อ ซ้ะ ฌ้อง เย้า ล แพ นอ, ลี้ ฆ้าง แบ ดี๊ เม้ากแช่ แคว๊ ลู่ง ท อ ล่าง อางเม้า อางแร่ นอ ล้อ, ฌ้อง โพล้ง กาไบ้ะ เกล้ พ้าแย๊

เซคารียา 9:9

พูมืง ลู่ง ซีโยง-เอ้อ, เกม๊า เซิงฆวี๊งซ้ะโย้ เมะ ดู ไช้ะ โอ้, พูมืง ลู่ง เยรูซเลง-เอ้อ, เกม๊า ซองลี้ อี้งเซ้อ, อ กจุ้แฆว้ เฌ๊ฌูง-อ้ะ แม้ ท อเกิ้งอแบ ดี๊ ทพ้องทพลิ้ อ เว๊ เซิงฌี้ซ้ะช้า ดี๊ เทา แลว้ เทา แลว้ พู

อีซยา 63:7

จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

อีซยา 61:3

บี่ซุ้ แด้เว้ เอะ กเย่ โพล้ง พี่ มองแบม้ะแบ เท่อ, ลู่ง ซีโยง พ้า นอ อ เท่อ เมะเว๊ เกม๊า เอะ อ ซื๊งเว๊ คูคล้าง เท่งก้ะ พี๊แคล ดี๊ เกม๊า ทซู ลู่ง ท เซิงมึซ้ะมึ เท่งก้ะ ท มองแบม้ะแบ เท่อ เกม๊า ไช๊แค่ พ้ะโท๊ ลู่ง ทอางปฆ้า เท่ง ก้ะ วีงแล้ พี่ อ ซ้ะ ล้างท่อง ฌ้อง โพล้ง ม กุ้ อ ซื๊งเว๊ บี่อี้ง, ซี๊ พ้ะดู มื่งเทิง ลู่ง ท แบกแช่แยว้อซ้ะ พี่ กแช่ยาเว เซิงล้าง เว๊, บี่ซุ้ เนโพลงทาง อโฌ่งอพ้าง

อีซยา 45:25

ลู่ง กแช่ยาเว อ ซุ้ นอ, อีซลาเอง อชื้ออชะ เลาพะ ม โอ ดี๊ ทแบกแช่แยว้อซ้ะ, ดี๊ นี่แบ ท อางปฆ้า ทาง ล้อ”

อีซยา 25:8

กแช่แยว้ ม อางยื่งคล่องไฆวะ ทซี๊ง ล้างชู้ล้างแกย ฌ้อง กแช่ยาเว, ทอดูทึโท๊ทึ กแช่ ม เท้าไฆวะ เมะที๊ง ลู่ง โพล้ง กุ้แฌ้ อ เมะ ล้อง ดี๊ ม แม้นี่ ท ดึ้เดว กแช่แยว้ อพูอลี้ง โชะไฆวะ เว๊ ลู่ง ฌางคู โคล๊งคู น๊างเบง อี้ง เมะเว๊ กแช่ยาเว นี่ ไคล้ เว๊ เย้า

ซาโลโมอแท๊ 3:4

ท่อง จ เฌ๊ พะไฆวะ โพล้ง โอคุ้แคว่ เท่อ ล ปี๊ นอ จ แด อ เว๊, โพล้ง พี่ จ ซ้ะ เอ-อ้ะ นอ จ พองทะ-อ้ะ ไชะไนะ, ล ญ่อง ทูแพล่ เกม๊า อ พลิ้ไฆวะ แบ เฆาะ ท้อง ลู่ง จ เฌ๊ฆ้าง ฌ้า-อ้ะ ลู่ง จ มู่ อ เด้า พ้า ดี๊ เกม๊า อ เฌ๊ นึฆ้าง ลู่ง โพล้ง พี่ อ ด้าทางนี่ แย้ อ เด้า พ้า

ทอางปฆ้า 149:2

เกม๊า โพล้ง อีซลาเอง เซิงมึซ้ะมึ, ดี๊ อ โพล้ง พี่ ไต้ล้างพ๊างล้าง เท่อ เกม๊า ซีโยง อ พู ลแพ นอ, ซ้ะอวีงซ้ะโทะ เท่อ, ดี๊ อ ซื๊งเว๊ อ กจุ้แฆว้

เอเฟโซ 2:6

พี่ ก โอ ลู่ง กแช่ เยซู คริ้ อ ซุ้ นอ, อ เว๊ แม้ ม๊า ทาง ไท้ เฆ้อ ดี๊ กแช่ เยซู คริ้, บี่ ซุ้ ก ม ยู่แคว่ เท่อ ดี๊-อ้ะ ลู่ง ท มุ้คู

เซฟางยา 3:14

“โอ้, พูมืง ลู่ง ซีโยง-เอ้อ, เกม๊า ซ้ะอวีงแท๊ เซ๊ พ้ะดู โอ้, อีซลาเอง-เอ้อ, เกม๊า ซองลี้ แดเทา เกม๊า เซิงฆวี๊งซ้ะโย้, ดี๊ แม้มึอางอวีง เลา นเซิงนซ้ะ แดเทา, พูมืง ลู่ง เยรูซเลง

ทอางปฆ้า 119:60

จ ปชื่ง เท่อ, ล โอทีงโอม๊อง แบ พี่ ม แม้โพะ กแช่แยว้ อ ทซองทซ๊าง อ ไค๊ นอ

ทอางปฆ้า 119:32

จ ม ซยู๊ ลู่ง กแช่แยว้ อ ทซองทซ๊าง อ เกล้ พ้า เมะเว๊ กแช่แยว้ แม้แอทาง เอะ แย้ ท แนซี

ทอางปฆ้า 111:4

กแช่แยว้ เกม๊า อ ทล้ะทเล่ ลเม้ง ดี๊ ลเม้ง เก ท นางแบทางไท้ กแช่ยาเว โอ ดี๊ อโก้งอโบ้ง ดี๊ ทย๊างเซิงย๊างซ้ะ

ทอางปฆ้า 63:5

จเซิงจซ้ะ ม บลิ้อางบลิ้โอ้, ด้องซุ้นี่ อาง ทอางทโอ้, ลู่ง อ ฌี้ทึ ดี๊ จ นุ้ ม อางปฆ้าทาง กแช่แยว้, ดี๊ นุ้เฌะ พี่ โอ ดี๊ ทเซิงฆวี๊งซ้ะโย้

ทอางปฆ้า 48:9

จ กแช่แยว้-เอ้อ, เฆ้อ ซีงลแพ, ก ช๊องมองแคว่ที๊ง, กแช่แยว้ อ ทเอทกวี้ง, พี่ อเฌิ่งอค๊า พี่ โอ ลู่ง กแช่แยว้ อ เว่งฮ๊าง, อ ซ้ะคี่ง พ้า

ทอางปฆ้า 42:4

ท่อง จ โล้ล้าง เท่อ ลู่ง จ ซ้ะพ้า นอ จ นางแบทางไท้ ทลแพ อี้ง, เมะเว๊ จ ลี้ ดี๊ โพล้ง น๊างมู๊ง พ้ะดู ดี๊ ลี้ฌ้า อซื๊งเว๊ น๊างมู๊ง, ท้อง ลู่ง กแช่แยว้อล่างโอ พ้า ดี๊ ลู่ง ซองลี้ เท่อ, เซิงมึซ้ะมึ, ดี๊ ลู่ง ไจ้ะบลึ้ เท่อ เมะเว๊ โพล้ง น๊างมู๊ง แม้ ทไฌ่ แม้มึอางอวีง ลื่งอาง โละซ้ะ

1เปโต 1:8

ทึ เมะ น ซื๊ง ล แด กแช่ เยซู คริ้ น่าง ชุ้ แบ ฌี้ๆ, น เอ-อ้ะ ทึ เมะ ค๊องเนง อี้ง น ล แด-อ้ะ ได้ะ แบ ฌี้ๆ, น ชู่ง-อ้ะ นะ-อ้ะ ปะ, น ซ้ะอวีง ซ้ะโทะ ดู มะ ท่อง ท้อง น โล้ ทาง ซีง ล ซี แบ

ฟีลิ้ปี 4:4

เกม๊า น ซื๊ง ซ้ะอวีง ซ้ะโทะ ลู่ง กแช่ เยซู คริ้ อ ซุ้ ครึๆ, จ ม โล้ เอะ น ซื๊ง ล พ๊า เด้าะ, เกม๊า น ซื๊ง ซ้ะอวีง ซ้ะโทะ ไช้ะ

ฟีลิ้ปี 3:3

เมะ ก เว๊ แด ล้อ ก นี่ แบ ท ไฌ่ ไร้ะ ไฆวะ ไพ้ะ ลู่ง อ เมะ อ โต้, ล เมะ อ ซื๊ง เว๊ นี่ แบ เว๊ แบ, อ ไฌ่ บี่ อี้ง, ก โบง ทาง แบ้ ทาง กแช่ แยว้ ดี๊ วีง ฌี้ แล้ แอว้, ก ซ้ะอวีง ซ้ะโทะ พี่ ก โอ ลู่ง กแช่ เยซู คริ้ อ ซุ้ นอ, ก ล อางกี ล้าง ซ้ะ ดี๊ ท ไฌะ ท ไฌ่ ลู่ง ค๊อง แบ

เอเฟโซ 6:24

เกม๊า กแช่ แยว้ อ โก้ง อ โบ้ง อ บลึ้ อ บลาง โอ ดี๊ น ซื๊ง กุ้ อ แฌ้, พี่ อ เอ ก กแช่ เยซู คริ้ เลา เซิง เลา ซ้ะ ครึๆ, นอ ล้อ

ซาโลโมอแท๊ 4:10

จ พื่ง-เอ้อ, จ เม้ากแช่ มืง-เอ้อ, น ทเอทกวี้ง ช๊า เต้ๆ, ล้อ น ทเอทกวี้ง นอ, ฌี้เละ ไซ้ะ ซไบ้ะแซ ที๊ง ได้ะ ดี๊ น ทซู น๊าม๊า นอ, น๊าม๊า ฌี้เละ ทน๊าม๊า กุ้เม้ง ลแพ นอ ได้ะ