น่าง​รุ้ 3:7 - Northern Pwo Karen Thai Bible

⁷ ท่อง โบอ้ะ อาง เท่อ โอ้ เท่อ กึ้ มึ แบ อ ซ้ะ เย้า นอ, อ เว๊ ไท้ มี๊ง ลู่ง บืงโก๊ง อ ฌ๊างไท้ะ, ฌ้อง น่าง รุ้ เฌ๊ฆ้าง กโช้, อุ้พ้ะทาง เว๊ อ ตไก้ยะ คลึไบ้ะ คาง ฌ้อง มี๊งน้าง เว๊ พี่ นอ

น่าง​รุ้ 3:7 Referans Kwoze

เอซเทอ 1:10

ลู่ง มื่ง เนว๊ นี้ง ล นี้ง พ้า, ท่อง กจุ้แฆว้ อ ซ้ะฆวี๊ง ดี๊ ไซ้ะ ซไบ้ะ แซ ที๊ง นอ, อ เว๊ อางแบเลา เมฮูมาง, บีซาทา, ฮางโบนา, บิ้ทา, อาบะทา, เซทา, ดี๊ คาระค้ะ, พี่ เก กแคว๊ได้ะดีง เนว๊ แฌ้, พี่ แม้ เอะ กจุ้แฆว้ อาฮ้ะซูเอระ อ เท่อ

โพล้งต้ะเซ๊งเท่อ 19:6

อ เว๊ คี๊ง แฌ้ นอ ชี๊น้าง ทาง อาง ซกุ้ โอ้ ซกุ้ เท่อ, ดี๊ กมืง อ แพ่ โล้ เอะ กแคว๊ นอ ไจ้ะเว๊, “มี๊ง ดี๊ เฆ้อ ล ซ๊าง เด้าะ แม้ มึ แม้ พ้า ทาง น ซ้ะ”

2​ซามูเอง 13:28

ฌ้อง อะซาโลง อางแบเลา อ เพล่ดู ไจ้ะเว๊, “น แคว่ดุ้ แฆว่-อ้ะ, อางโนง อ เซิง มึ ซ้ะ มึ ดี๊ ไซ้ะ ซไบ้ะ แซ ที๊ง ตแค๊เล้, ฌ้อง จ ม โล้ แบ น ซื๊ง บี่อี้ง, ‘เกม๊า แม้ ซี๊ง อางโนง’, อ นอ เกม๊า น ซื๊ง แม้ซี๊ง-อ้ะ เฆาะ, ซ้ะเม ล ฌี้ แย้ นอ จ อางแบเลา น ซื๊ง เย้า, ล เมะ แบ-อ้า?, เกม๊า น ซ้ะ ชอง ดี๊ เก โพล้ง ซ้ะ น้า แดเทา”

โพล้งต้ะเซ๊งเท่อ 19:9

พี่ กแคว๊ นอ ดี๊ อ แม๊ พู ดี๊ อ เพล่ เฌ้เทิงทาง แค๊ ล้าง อ คาง ม ไท้ นอ, อ มื้งแซย่ แคว๊ เมะเว๊ กมืง อ แพ่ นอ โล้ เอะ-อ้ะ ไจ้ะเว๊, “แคว่เซ้อ, อ อี้ง นอ มื่งไฆ่ ล้าง เบ้า ท ม ไค้ะ เย้า มี๊ง-อ้ะ ล ซ๊าง เด้าะ, แคว่เซ้อ, ท ม ไค้ะ ล โค๊ เย้า โอไปว้ะ มี๊ง-อ้ะ พี่ อี้ง เฆาะ, บี่ซุ้ น เซิง น ซ้ะ ม มึ ลู่ง โฌ้ โฆะ นอ เฌ้เทิงทาง โฌ้-อ้ะ, บี่ซุ้ น ม แค๊ ล้าง คาง ไท้ ลู่ง เด้า”

ทโกงซีมองแบ 10:19

ทอาง ดึ้ เกม๊า โพล้ง นี่งควี ดี๊ ไซ้ะ ซไบ้ะแซ ที๊ง, ดึ้ เกม๊า ทโอม๊า เซิงฆวี๊งซ้ะโย้ ดี๊ จี้ นอ แม้ เอะ เท่อ ซี กุ้เม้ง ล้อ

ทโกงซีมองแบ 9:7

ลี้ แดเทา, ลี้ อาง น ทอาง ดี๊ ท ซ้ะอวีงซ้ะโทะ, ดี๊ ลี้ โอ้ น ซไบ้ะแซ ที๊ง ดี๊ ท เซิงฆวี๊งซ้ะโย้, เมะเว๊ กแช่แยว้ แคว่ เว๊ แบ อ ซ้ะ ดี๊ น ทไพ้ะทแม้ เย้า

ทโกงซีมองแบ 8:15

ฌ้องนอ, จ อางปฆ้า ท อมึอพ้า, เมะเว๊ ลู่ง กโพล้ง อ ฌ่าง ลู่ง มื่ง เช๊ละ อี้ง นอ, ท ล โอ น่างเม้ง แบ ฌี้ ฌี้เละ อาง เท่อ, ดี๊ โอ้ เท่อ, ดี๊ ท เซิงฆวี๊งซ้ะมึ, เมะเว๊ ท ล เม้ง อี้ง ม โอ อ ฌ๊างไท้ะ, ลู่ง อ ทไพ้ะทแม้ น้ะ พ้า, เพล้า อ ชู้, พี่ กแช่แยว้ เกล๊าง เอะ เว๊ ลู่ง มื่ง เช๊ละ อี้ง

ทโกงซีมองแบ 2:24

ลู่ง กโพล้ง อ ฌ่าง นอ, ท ล โอ น่างเม้ง แบ, ฌี้เละ อาง เท่อ ดี๊ โอ้ เท่อ ดี๊ ซ้ะอวีงซ้ะโทะ ลู่ง อ ทไพ้ะทแม้ น้ะ พ้า, อ อี้ง ล้อ, จ แดทู่ทีงเทว๊ เว๊ เก ท เฌ๊นี่ ดี๊ กแช่แยว้ อ จูง

ทอางปฆ้า 104:15

ดี๊ ไซ้ะซไบ้ะแซ ที๊ง, พี่ เกม๊า กโพล้ง อ เซิงมึซ้ะมึ ทซู, บี่ซุ้ ดึ้เกม๊า เว๊ อ เมะ พ้างล้าง ดี๊ ทอาง, พี่ แม้ชองทาง กโพล้ง อ ซ้ะ

1​โคเรง 10:31

อ ไฌ่ บี่ โย้, น ซื๊ง อาง เท่อ โอ้ เท่อ เมะ ฌี้, แม้ ท เม้ง ฌี้ เม้ง ฌี้, แม้-อ้ะ กุ้ อ เม้ง ลู่ง น ม ดู้ง แบ ยาง แบ กแช่ แยว้ ล้อ

1​กจุ้แฆว้ 21:7

ฌ้อง อ แม๊ น่าง เยเซเบง โล้ เอะ-อ้ะ ไจ้ะเว๊, “แน้ น เก โพล้ง โพะคอง โพล้ง อีซลาเอง ได้ะ เมะ-อ้า?, เฌ้เทิงทาง อาง เท่อ แดเทา, แม้ น ซ้ะ มึๆ, นาโบ โพล้ง ยีซเรเอง อ โซ๊ง นอ, แย้ จ ม เก โพล้ง เกล๊าง เอะ แน้”

โพล้งต้ะเซ๊งเท่อ 19:22

พี่ อ เว๊ โอ มึๆ, อ แค๊ นอ, แคว่เซ้อ, โพล้ง ลู่ง เว่ง พ้า พี่ อ เก โพล้ง ลกลุ้ลจ้ะ แบ นอ, เฌ๊ โอ วะ เด้าไท้ะ ชิ้ท๊า เกล้ ป้ะตู๊ง กุ้ซย้ะ เท่อ โล้ เอะ โพล้ง ซ้ะแซย่ พี่ เก เด้า กแช่ นอ ไจ้ะเว๊, “กแคว๊ พี่ อ เฌ๊ นึฆ้าง โอ น เด้า พ้า นอ, โซ๊ง ทาง เอะ เฆ้อ, ก ม มี๊งนี่ชอง ดี๊-อ้ะ”

โพล้งต้ะเซ๊งเท่อ 16:25

ท่อง อ ซื๊งเว๊ เซิงมึซ้ะมึ เย้า นอ, อ ซื๊งเว๊ไจ้ะเว๊, “กุ้นี่ เซงซาง เกม๊า อ เฌ๊ โละกวี้ แม้ นี่ง เท่อ ก ม แคว่ดุ้-อ้ะ”, อ ซื๊งเว๊ ลี้ กุ้นี่ เซงซาง ม๊า ไจทางไฆวะ ลู่ง พ้องซุ้ พ้า, เซงซาง เฌ๊ โละกวี้ แม้ นี่ง เท่อ ลู่ง อ ซื๊งเว๊ อ เมะแซ พ้า, อ ซื๊งเว๊ เกม๊า เซงซาง ชี๊เทิง ลู่ง เฌเทิง เบ้าช้า พ้า

ทอคางไท้ะ 43:34

ฌ้อง ทอาง พี่ โอ โยซิ้ อ เมะแซ พ้า นอ, แบ ท โซ๊ง เอะ อ พื่ง อ วี่ง ลแพ นอ ล้อ, แบเด้าะ ท พี่ อ เกล๊าง เอะ เบงยามีง นอ, แอเละ อ โจ้ ซีง ลแพ เว๊ เย่ โทะ, อซื๊งเว๊ อาง ซกุ้ โอ้ ซกุ้ เท่อ ดี๊ โยซิ้ นอ ล้อ

เอเฟโซ 5:18

ม้า ไซ้ะ ล ฌี้, อ นอ ม แม้ เฌ๊ฌ้อง น ซื๊ง ล้อ, แบเด้าะ เกม๊า วีง ฌี้ แล้ แอว้ โอ ล๊า โอ ฆวี้ ลู่ง น ซื๊ง ซ้ะ พ้า

น่าง​รุ้ 3:6

ทบี่นอ, อ เว๊ ลี้ล้าง ลู่ง ทล่าง เพา บืง พ้า, ฌ้อง แม้ เว๊ บี่ซุ้ อ มื้งแซย่ อางแบเลา-อ้ะ นอ กุ้เม้ง

น่าง​รุ้ 3:8

ท้อง พุ้พ๊าง มื่ง นอ, โบอ้ะ ซยึ้ เท่อ นาง อ ซ้ะ, แกย อ ซ้ะ แด เว๊ โพล้ง มืง เฌ๊ มี๊ง ลู่ง อ คางไท้ะ