ท​เน​โพล​ทาง 11:19 - Northern Pwo Karen Thai Bible

¹⁹ ฌ้อง กแช่ แยว้ อ เว่งฮ๊าง ลู่ง ท มุ้คู แบ ท อุ้พ้ะ ทาง-อ้ะ, จ แด ไฮะ กแช่ แยว้ อ ท เอิ้งล้าง โอ พี่ นอ, ฌ้อง ล๊าง พล้ะ เท่อ ดี๊ ล๊าง เซ๊, เซ๊ ล้างว้าง ล้างซวาง, ฌางคู ว้ะ, ดี๊ มื่ง แซ ล้าง น้ะ มะ ล้อ

ท​เน​โพล​ทาง 11:19 Referans Kwoze

ท​เน​โพล​ทาง 16:21

มื่ง แซ ล้างเทะ แบ โพล้ง, มื่ง แซ ล โพลงๆ, นอ ฆ๊า ลี่ง ชี๊ง เย่ กีโล, โพล้ง ชู อ้า แบ กแช่ แยว้ เป๊งนี่ อ แบ แบ ท น้ะ ท โน๊ง ลู่ง มื่ง แซ ล้าง อ กย้อง, เมะ เว๊ ท แม้ อ้า แม้ ซ๊าง ล พ๊า อี้ง น้ะ เต้ๆ

เอเซเคียง 38:22

ก ม ต้ะเซ๊ง แม้เตาแม้แต๊-อ้ะ ดี๊ ทแช๊ แบฌะ, ดี๊ ท ซวีง ล้าง, ก ม เกม๊า ทเฌ๊ช้า พ้ะดู, มื่งแซ คู่ลอง, มี ดี๊ มีอ้าแพลแช๊ อี, แบ ท ลู๊งล้าง ดุ้-อ้ะ ดี๊ อ ซึ้พูมู๊ง, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊-อ้ะ นอ

ท​เน​โพล​ทาง 4:5

ล๊าง แว่ได้ะ ดี๊ ล๊าง เซ๊, เซ๊ ล้างว้าง ล้างซวาง เซ๊ ทาง ลู่ง ท ล่าง ชี๊น้าง ยู่แคว่ เท่อ ล ช๊อง นอ, โซย๊ โอ เนว๊ โป้ง เช้า ทาง เว้ อ ซ้ะ ลู่ง ท ล่าง ชี๊น้าง นอ อ เมะแซ พ้า, โซย๊ ล แพ นอ เมะ เว๊ วีง แล้ เนว๊ แฌ้ ลู่ง กแช่ แยว้ เว๊

ท​เน​โพล​ทาง 8:5

ฌ้อง ท มุ้คู พู ล แฌ้ นอ ลี้ โชะ เจเล ล เบง นอ, ชวี๊ง ล้าง นี่ มี พี่ อ โอ ท แบ้ ทาง อ ล่าง นอ ฆวี้ ทะ, ฌ้อง ไควะ ล้าง เว๊ ลู่ง ฌางคู โคล๊ง คู, ท่อง อ ช๊าง ล๊าง เซ๊, เซ๊ ล้างว้าง ล้างซวาง, ล๊าง พล้ะ เท่อ ดี๊ ฌางคู ว้ะ

อีซยา 30:30

ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

ท​เน​โพล​ทาง 19:11

ฌ้อง จ แด แบ ท มุ้คู อุ้พ้ะ ทาง อ ซ้ะ เย้า, กซี แอว้ โอ ล ดื้ง, โพล้ง พี่ อ เทา เว๊ อ คู ล แฌ้ นอ อ เม้ง เมะ เว๊, “โต้ ล้อง ดี๊ เซิงเท่ง ซ้ะโต้”, อ เว๊ ต้ะเซ๊ง เท่อ ดี๊ ดึ้ซึ้ เท่อ ลู่ง อ เกิ้ง อ แบ

ท​เน​โพล​ทาง 11:15

ท่อง อ ช๊าง ท มุ้คู พู อูง ทาง ควี้ เนว๊ โพลง ล โพลง, ฌ้อง ท อ ลู่ง โอ ตบลึ้ เม้ง ไคล้ทาง เท่อ เซ๊ พ้ะดู ลู่ง ท มุ้คู ไจ้ะ เว๊ บี่ อี้ง, “ท อ มื่ง อ บ้าง ลู่ง ฌางคู โคล๊ง คู อี้ง, เกก้ะ ก กแช่ แยว้ อ มื่ง อ บ้าง เย้า, ดี๊ เกก้ะ คริ้ พี่ กแช่ แยว้ อางลึ นี่ เว๊ ล แฌ้ นอ อ เท่อ เย้า, อ เว๊ ม ยู่แคว่ เว๊ ล้างชู้ ล้างแกย ล้อ”

เกล้​ท​ซ้ะวี่ง 10:33

อ ซื๊งเว๊ โอนี่ ลู่ง กแช่ยาเว อ ทลู่งไท้ะ ลี้ เว๊ ล โท้ๆ, นี่ ซ๊า ซ๊าง เกล้, กแช่ยาเว อ ไฮะ ทเอิ้งล้าง ลี้ วี่ง อ ซื๊งเว๊ ซ๊า นี้ง, บี่ซุ้ อางฆื๊งนี่ เอะ อ ซื๊งเว๊ อ ล่าง โอไปว้ะ

เกล้​ท​ซ้ะวี่ง 4:15

ลู่ง ทแญ่ ลี้ แญ่ ไท้ ทล่างโอซยอง อ แค๊ นอ, เกม๊า อาโรง ดี๊ อ พูแคว๊ คลึไบ้ะทะ ทแบ้แยว้ล่างลู่งอฌี้, ดี๊ กเย่ อ ทฆ้าทโฆ่ ลู่ง อฌี้อแอว้ นอ ท่อง อ ฌ้อง, ท่องอช๊าง นอ, โคฮา อคลี๊งอแซ อชื้ออชะ ม นึฆ้าง ยุ้นี่ เว๊, แบเด้าะ ล เกม๊า อ ซื๊งเว๊ พองแบ ต้องแบ เท่อ พี่ อฌี้อแอว้ ลแพ นอ แบ, บี่ซุ้ อซื๊งเว๊ ล แบ ซี๊ง แบ, ทลแพ อี้ง ล้อ, เก เด้ทโอซยองอล่าง อ เท่อ, พี่ โคฮา อคลี๊งอแซ อชื้ออชะ แบ ยุ้ เว๊

เกล้​ท​ซ้ะวี่ง 4:5

เมะเว๊ พี่ ม แญ่ไฆวะ อ ทล่างโอซยอง นอ, เกม๊า อาโรง ดี๊ อ พู ซีงลแพ นอ นึฆ้าง เว๊ ลู่ง แย๊ โค๊, ดี๊ ทึ้ล้างไฆวะ ตไก้ยะ กางทะ เท่อ นอ, ฌ้อง เกม๊า คลึไบ้ะล้างทะ ไฮะ ทล่าง แม้ไน ทอืงล้าง

ท​เน​โพล​ทาง 16:18

ฌ้อง ล๊าง แว่ได้ะ ดี๊ ล๊าง เซ๊ เซ๊ ล้างว้าง ล้างซวาง, ดี๊ ฌางคู ว้ะ พ้ะดู, ล โค๊ ลู่ง กโพล้ง กึ ทาง ฌางคู โคล๊ง คู นอ ฌางคู ว้ะ น้ะ ทึ บี่ อี้ง ล โอ น่าง พ๊า ได้ะ แบ

ท​เน​โพล​ทาง 11:13

ล พ๊า ฆ่าง นอ ฌางคู ว้ะ พ้ะดู, ฌ้อง เว่ง นอ ล้างฆ่อง ไฆวะ, ล ชี๊ง นอ ล้างฆ่อง ไฆวะ ล โป้ง, โพล้ง พี่ อ ซี๊ง ไฆวะ เป๊งนี่ ฌางคู ว้ะ นอ โอ อ แฌ้ เนว๊ ม๊า, เมะ โพล้ง พี่ อ โอก้ะ นอ ซ้ะเม เท่อ เต้ๆ, ฌ้อง อางปฆ้า ทาง กแช่ แยว้ พี่ อ โอ ลู่ง มุ้คู ล แฌ้ นอ

ท​เน​โพล​ทาง 8:7

ท่อง ท มุ้คู พู อ ต้องคู ล แฌ้ อูง ทาง ควี้ ฌ้อง, มื่ง แซ ดี๊ มี นอ แกย้ ฆึ อ ซ้ะ ดี๊ ท ซวีง แบ ท ไควะ ล้าง-อ้ะ ลู่ง ฌางคู คู, ฌางคู โคล๊ง คู เค้ ทาง, ซ๊า โป้ง นอ มี อาง ไฆวะ-อ้ะ ล โป้ง ดี๊ เซง ซ๊า โป้ง มี อาง ไฆวะ-อ้ะ ล โป้ง, นาง พี่ อ แล๊แค๊ นอ มี อาง ไฆวะ-อ้ะ เลา ปะ

อีซยา 32:19

ทึเมะ ทเคแกล้ ล้างซู๊งล้างล่อง พี่ มืงแซ ล้างเทะ ดี๊ เว่ง ม ล้างซย้าง เลาพะ ฌี้ นอ

อีซยา 28:2

อี้งเซ้อ, ทอดูทึโท๊ทึ กแช่ อ โพล้ง โอ ล แฌ้ พี่ โอ ดี๊ อไฌ่อแบ้ ดี๊ อชองอไคล๊ บี่ซุ้ดี๊ ลี้ง มื่งแซ, บี่ซุ้ดี๊ ลี้งเฌ๊ พ้ะดู ลู่ง อ แม้เฌ๊ฌ้อง เท่อ บี่ซุ้ดี๊ ลี้งเฌ๊ ทเฌ๊ช้า พ้ะดู พี่ อ แยว้ล้าง พี่ ม เว่งว๊าง เท่อ ดี๊ อ จูง, เกม๊า ล้าง ท้อง ฌางคู

เอเซเคียง 13:11

เกม๊า ไคล้ ดี๊ โพล้ง เท้าพุ้ เท่อ ดี๊ บ้า แอว้ บี่อี้ง, กางแป นอ ม ล้างฆ่อง, ม โอ ดี๊ ทเฌ๊ช้า ท้อง อ กลึ้ไบ้ะ เท่อ, ดี๊ แน้, โอ้ มื่งแซ พ้ะดู-เอ้อ, เกม๊า ล้างเทะ, ดี๊ ลี้งเฌ๊ พ้ะดู ม กึทาง

ทอางปฆ้า 105:32

กแช่แยว้, เกล๊าง มื่งแซ เอะ อซื๊งเว๊, เท่งก้ะ ทเฌ๊ช้า ดี๊ เกม๊า ล๊างพล้ะ เท่อ, ลู่ง อซื๊งเว๊ อ ที๊งล่างค่างพ้า

ทอางปฆ้า 18:12

โอ ดี๊ มื่งแซ, ดี๊ แซวท่อง, เค้ เท้พ้ะทาง พล๊องจเฌิ่ง ทเอิง โอนี่ ลู่ง ทพ้าง ฆีงฆอง, ลู่ง กแช่แยว้ อ เมะแซ พ้า

โยชูวา 10:11

พี่ ล โท้ แย๊ อ ซื๊งเว๊, ซยู๊ไฆวะ ลู่ง โพล้ง อีซลาเอง อ เมะแย๊ ลี้ เกล้ เบโฮโรง นอ, กแช่ยาเว ไควะล้าง โล่ง พ้ะดู โอ ลู่ง มุ้คู, ล้างเทะ ซี๊ง แบ อ ซื๊งเว๊ ทึ เกล้ ท้อง ลู่ง เว่ง อาเซคา, อ ซื๊งเว๊ซีง ซี๊ง, โพล้ง พี่ อ ซี๊งนี่ ดี๊ มื่ง แซ ล้างเทะแบ-อ้ะ นอ, แอเละ โพล้ง พี่ โพล้ง อีซลาเอง แม้ซี๊ง-อ้ะ ดี๊ น้ะ นอ ได้ะ

อีซยา 29:6

กแช่ยาเว ซึ้คู ดูทึชองทึ ม ลี้ไจ โอ แน้ ดี๊ ล๊างเซ๊, ดี๊ ฌางคู ว้ะ, ดี๊ ท อ ลู่ง เซ๊ พ้ะดู เลา ดี๊ ลี้ง ว้างไร้ะ, ลี้งเฌ๊ พ้ะดู, ดี๊ มีอ้า เค้ทาง พี่ อาง เฌ๊ฌ้อง เท่อ

เอเซเคียง 13:13

อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, ก ม ดึ้ เกม๊า ลี้งเฌ๊ พ้ะดู กึทาง ดี๊ ก ท ซ้ะทาง, ดี๊ เกม๊า ทเฌ๊ช้า กลึ้ไบ้ะ เท่อ ดี๊ ก ท ซ้ะทาง, ดี๊ ม โอ ดี๊ มื่งแซ พ้ะดู แม้ เฌ๊ฌ้อง เท่อ ดี๊ ก ท ซ้ะทาง

ท​เน​โพล​ทาง 4:1

ท่อง อ ช๊าง นอ จ แด ท มุ้คู อ เกล้ ป้ะตู๊ง แบ ท อุ้พ้ะ ทาง-อ้ะ เย้า กแช่ แยว้ อ ลู่ง พี่ จ แน่ฌ๊า ล พ๊า เย้า นอ, ไคล้ทาง เท่อ ดี๊ แย้ บี่ ซุ้ ควี้ พ้ะดู เซ๊ ไจ้ะ เว๊ บี่ อี้ง, “เฌ๊ ทาง ลู่ง อี้ง แด เทา, จ ม เกม๊า น แด แบ เท่อ พี่ แบ เก ทาง อ ซ้ะ ลู่ง แย๊ โคะ”

ท​เน​โพล​ทาง 7:15

อ กย้อง บี่ นอ อซื๊งเว๊ โอ แบ ลู่ง กแช่ แยว้ อ ล่าง ชี๊น้าง ยู่แคว่ เท่อ อ เมะแซ พ้า, ดี๊ แม้ กแช่ แยว้ อ เท่อ ลู่ง เว่งฮ๊าง พ้า เลา มแน้ เลา มแช๊, กแช่ แยว้ พี่ อ ชี๊น้าง อ ล่าง ยู่แคว่ เท่อ ล แฌ้ นอ, ม โอ ดี๊-อ้ะ ยู่แคว่ แฌแซ กต้าง-อ้ะ

ท​เน​โพล​ทาง 12:1

ท แม้ไน พ้ะดู โพล ทาง ลู่ง ท มุ้คู, เมะ เว๊ โพล้ง มืง โอ ล แฌ้ ไต้ทาง อ ซ้ะ ดี๊ มื่ง, แล้ นอ โอ ลู่ง อ คาง พ๊างละ, อ คู ล้อง นอ โอ ดี๊ แซย ล ชี๊ง คี๊ง โพลง, แม้ อ ซ้ะ บี่ ซุ้ ดี๊ อ คูคล้าง

ท​เน​โพล​ทาง 16:1

ฌ้อง จ แน่ฌ๊า ท อ ลู่ง โอ ลู่ง เว่งฮ๊าง พ้า, ลู่ง มุ้คู เฌ๊ เซ๊ พ้ะดู ไจ้ะ เอะ ท มุ้คู พู เนว๊ แฌ้ นอ บี่ อี้ง, “โล๊ง พี่ อ ชวี๊ง ล้าง กแช่ แยว้ อ ท ซ้ะทาง นอ, ลี้ ลู๊ง ล้าง-อ้ะ ลู่ง ฌางคู โคล๊ง คู นอ เซ้อ”