2 อซื๊งเว๊ ไคล้ ทคีงอูงคีงตู๊ง โละอซ้ะ อเว๊ ไคล้มึแน่ ดุ้ เท่อ ดี๊ อ นุ้เฌะ, ดี๊ อ ซ้ะ อางโล๊ไละ เท่อ
โพล้ง พี่ อ แม้ บี่ อี้ง ล แม้ กแช่ เยซู คริ้ อ เท่อ แบ, แบเด้าะ อซื๊งเว๊ ช๊องมอง ที่ อ โฌ่งโพ๊ง อ ฌ่าง, อซื๊งเว๊ เจ่ ท ไคล้ ลู่ง อ มึ อ พ้า อ เพา อ เบ้, อางโล๊ นี่ โพล้ง พี่ อ ชู่ง โพล้ง อ แฌ้แพ โย๊ น้ะ
อ เว๊ อ พลี้ เก คลีงแช แม้ซี๊ง เท่อ อ ไคล้ อางโล๊ เท่อ อ เว๊ อ นุ้ ไคล้มึไคล้พ้า ดี๊ ฌุ้พาง แบเด้าะ อ ซ้ะ พ้า นอ, อ เว๊ โอคุ้ซูง ดึ้ซึ้ เท่อ”
โพล้ง แฌ้ ฌี้ๆ, พี่ อ เฌ๊ แด แย้ นอ, อเว๊ ไคล้ กไบล้ะกแบล พี่ อ ซ้ะ, อางกี ทอ้าทซ๊าง อ ไฌ่ อ แค๊ นอ พี่ อเว๊ ไจทาง นอ, อเว๊ กุ้ซย้ะ เท่อ
โพล้ง พี่ อ นุ้ ไคล้ คีงอูง เท่อ ดี๊ อ จูงฆุ้ เก จูง ลู่ง ท อางโล๊ไละ เท่อ
อ นุ้ นอ, โอฆวี้ทะ ดี๊ ทชูททื๊ง, ทโล๊ไละล้าง, ดี๊ ทคู้ทเคิ่ง ลู่ง อ พลี้ เช๊ละ นอ, โอ ดี๊ ทอ้าทซ๊าง ดี๊ ทอ้า ลู่ง อ น้ะ
เมะเว๊ อ ซื๊งเว๊ ซีงลแพ อ นุ้พ้า นอ, ทเมะทโต้ ลโอแบ อซื๊งเว๊ อเซิงอซ้ะ นอ, เมะเว๊ ทแม้เฌ๊ฌ้อง เท่อ อซื๊งเว๊ อ โคะบ้อง พ้า นอ, เมะเว๊ ทพ้า เคิงล้างบ้า ทจู, พี่ อุ้พ้ะท๊าง อ ซ้ะ คระ อซื๊งเว๊ ไคล้ มึแน่ ดุ้ เท่อ ดี๊ อ พลี้
อ ไฌ่ บี่ อี้ง, อ เว๊ เก โพล้ง ลู่ง อ ซ้ะ โอ คี๊ง โพลง, ล โอ เฌิ่ง โอ ค๊า ลู่ง กเย่ เกล้ พี่ อ กแช่ โพะ เว๊ นอ แบ
เกม๊าเต้ กว้ะไฆวะ แย้, ลี้ ล พ๊าฆ่าง ดี๊ โพล้งอ้าโพล้งซ๊าง ดี๊ โพล้ง พี่ แม้ ทอ้าทซ๊าง ลแพ นอ ล ฌี้ พี่ อ ไคล้ ดี๊ อ ฌุ้เม้งฌุ้พาง, ด้องซุ้ เก ฌุ้พางเท่งซ้ะ แบเด้าะ ทช๊องมอง, แม้อ้าแม้ซ๊าง เท่อ, โอ ลู่ง อ ซ้ะพ้า
น ซื๊ง ซีงแฌ๊ เย้า พี่ ก เฌ๊ โอ น ซื๊ง นอ, ก ล เฌ๊ ดี๊ ท ไคล้ อางปฆ้า ดุ้ เท่อ แบ, ดี๊ ก ล ไคล้ ไก ดุ้ เท่อ บี่ ซุ้ ก ม นี่ น เท่อ น่าง เม้ง แบ, กแช่ แยว้ เก เอะ ก พีงญาง ล้อ
อไฌ่บี่อี้ง, ทแดเว้ ล เมะ ล โต้ แบ ฌี้, ทพ้ะเว้โล้เว้ ซ้ะมึ ดุ้ เท่อ ฌี้ นอ, ล โอ ลู่ง อีซลาเอง อชื้ออชะ พ้า ล้าแบ เฆาะ
โพล้ง พี่ อ ไคล้มึแน่ ดุ้ อ ฌุ้พาง นอ ย้างแย่ ทฆี ดุ้ล้างไท้ อ คาง นอ ล้อ
โพล้ง พี่ อ ไจ ไคล้ กชี่งกโช้ เท่อ นอ, แม้โพลทาง ท คิ้ซูงคิ้บีง ทบี่นอ, พลึ้ ซ้ะ ดี๊ โพล้ง อ นุ้โคล๊ ล ฌี้
อวีงซ้ะชู้, ซไบล้ะ นี่ แย้, ดี๊ แม้พ้องพลิ้ แย้ เกม๊า พ้องไฆวะ ดี๊ โพล้งลค่างแด อ จูง พี่ อ นุ้ ไคล้ คีงอูง เท่อ ดี๊ อ จูงฆุ้ เก จูง ลู่ง ท อางโล๊ไละ เท่อ
อซื๊งเว๊ ช๊องมอง ที่ ม ชางล้างไฆวะ แน้, ลู่ง ทเม้งดูแซโท๊ อเว๊ แบ อ ซ้ะ ลู่ง ทกไบล้ะกแบล พ้า อเว๊ ชูฌี้ชูแอว้ เท่อ ดี๊ นุ้ แบเด้าะ ชูอ้าชูซ๊าง เท่อ ลู่ง อ ซ้ะ พ้าเซ่-ลา
อ ทไคล้ นอ, พลี๊ ฌี้เละ ทอซูอไย้ แบเด้าะ ทดึ้ทชาง โอ ลู่ง อ ซ้ะพ้า อ ทลื่งทไคล้ นอ, เพา ฌี้เละ ทซู ได้ะ แบเด้าะ นอ เก น้ะ, พี่ ทึ้ทาง เว้ อ ซ้ะ เย้า
เมะเว๊ ทเด้บ้ะ เฌ๊นี่ ลู่ง อ นุ้, ดี๊ เป๊งนี่ ทไคล้ เฌ๊นี่ ลู่ง อ นุ้เฌะ นอ ล้อ เกม๊าเต้ อเว๊ แบ ทดุ้ทเช, ลู่ง อ ททื่งล้างซ้ะ นอ อกย้อง เป๊งนี่ ลู่ง ทชูททื๊ง, ดี๊ ทคีงอูง พี่ อ แม้เซ๊ทาง เว๊ นอ
โพล้ง ลู่ง เซบูลู อ แกล้ นอ โอ เย่ ไซ แฌ้, พี่ แด้เว้ อ ซ้ะ ม ไจทาง ดึ้ซึ้ เท่อ ซี กุ้ อ พ๊า, โอ ดี๊ นางดึ้นางชาง กุ้เม้ง, บี่ซุ้ ม แม้ช้า เท่อ ดี๊ ซ้ะ ล โพลง ฆ่าง
กเย่ โพล้ง พี่ อ เฌา แม้ซี๊ง แย้ นอ, นี่ อางกีล้าง พลี้ง บล้ะ เท่อ โพล้ง พี่ ช๊องมอง ทแม้อ้าแม้ซ๊าง แย้ นอ, ไคล้ แบฆ้ะ ดี๊ ทเซงทื่งเฌ๊ฌ้อง ดี๊ ช๊องมอง ที่ ทอางโล๊ไละ เซ๊งนี้งคล้อง ทไค้ะ
พี่ จ เซิงพ่องซ้ะว้ะ นอ, จ ไจ้ะ บี่อี้ง “กโพล้ง กุ้แฌ้ นอ, เก โพล้ง คีงอูง เท่อ”
โพล้ง แอฌ้อง กุ้ซย้ะ โล้ล้าง อ ท เซิงเท่งซ้ะโต้ แบเด้าะ โพล้งเล้ ม อางฆื๊ง โพล้งโต้โพล้งล้อง แด?
เกม๊า น ไคล้ ดี๊-อ้ะ บี่อี้ง, ‘อ อี้ง เก โพล้ง กุ้ชื้อกุ้ชะ พี่ ล ชู่ง กแช่ยาเว อ กแช่แยว้ อ ลู่ง แบ, ดี๊ ล ญ่อง ฮะนี่ ทซองทซ๊าง, ทเมะทโต้ เซงทื่งเฌ๊ฌ้องไฆวะ เย้า, แบ ทแม้ เทะไฆวะ ดี๊ อ เว๊ อ นุ้ เย้า
โพล้ง เซิงเท่งซ้ะโต้ เลาเทาแดไฆวะ ฌางคูโคล๊งคู ม อางฆื๊ง โพล้งโต้โพล้งล้อง, ลู่ง กโพล้ง อซุ้อแกล้ ล แฌ้ ล โอ แบ อ เว๊ ล แฌ้ๆ, นอ, โอคุ้ล้างคุ้ซูง เท่อ, ม แม้ซี๊ง โละ อ ซ้ะ ล แฌ้ๆ, นอ, แม้ ทฆี ดุ้ อ น๊างพื่งวี่