ทอางปฆ้า 102:19 - Northern Pwo Karen Thai Bible

¹⁹ กวิ้ล้าง เว๊ บี่อี้ง, กแช่แยว้ แคว่ล้าง นี่ เท่อ ลู่ง อ ทล่าง พ้ะโท๊ คู, พี่ อฌี้อแอว้ นอ โอนี่ ลู่ง ทมุ้คู, กแช่ยาเว แคว่ล้าง ฌางคูโคล๊งคู

ทอางปฆ้า 102:19 Referans Kwoze

โล้​ล้างที๊ง​ทอางแม้เลา 26:15

เกม๊า น แคว่ล้างนี่ เท่อ ลู่ง น ล่าง โอ พี่ อเช๊งอเกล้ง, เมะเว๊ ลู่ง ทมุ้คู, ดี๊ เกม๊า น ชูฌี้ แบ นพูนลี้ง อีซลาเอง, ดี๊ ชูฌี้ แบ ฌางคู ล่าง พี่ น เกล๊าง เอะ เฆ้อ ซีง ลแพ อี้ง, ด้องซุ้ พี่ น อืงล้าง เว้ เอะ กพี๊งกพู๊ง ลู่ง แย๊ อู้ง, เก ที๊งล่างค่างพ้า พี่ โอ ดี๊ นู่งที๊ง, ดี๊ นี๊จ้าง แยว้ล้าง กู้งๆ, ล๊าๆ’

ทอางปฆ้า 14:2

กแช่ยาเว โอ ลู่ง ทมุ้คู, แคว่ล้าง กโพล้ง ซีงลแพ เมะ ม โอ ล แฌ้ๆ, ชี่-อ้า, พี่ อไพ่อแซย๊ พี่ อางฆื๊งนี่ กแช่แยว้

โยบา 22:12

“กแช่แยว้ ล นี่ โอ ลู่ง ทล่าง พ้ะโท๊ คู ลู่ง ทมุ้คู นอ แบ-อ้า? เกม๊า น แคว่ แซย พี่ อ โท๊ ทึ นอ ไช้ะ, อ โอ โท๊ เต้ๆ, ล้อ

2ทกวิ้ไน 16:9

เมะเว๊ กแช่แยว้ อ เมะ แคว่ล้าง เท่อ ลู่ง ฌางคูโคล๊งคู กุ้จองกุ้ไจ้, บี่ซุ้ เกม๊า โพล้ง ลู่ง อ ซ้ะ โต้ ดี๊-อ้ะ ลแพ นอ อไฌ่อแบ้, แบเด้าะ แน้ นอ น แม้ เท่อ เซ๊กูเฌ๊ฌ้อง แบฆ้ะ ดี๊ ท ล ไฌ่ อี้ง, เมะเว๊ ท่องอี้ง ชู่งแย๊ นอ น ม โอ ดี๊ ทดึ้ซีงดึ้ซึ้ นอ ล้อ”

1​กจุ้แฆว้ 8:43

เกม๊า น ช๊องแน-อ้ะ, ลู่ง มุ้คู พี่ เก น ล่าง โอ-อ้ะ นอ, ดี๊ เกม๊า น แม้โพะ อ ไค๊ กุ้เม้ง, พี่ โพล้ง ล ชื้อ แด อางท่าง ดี๊ แน้ นอ, บี่ซุ้ โพล้ง กุ้ที๊งกุ้ค่าง ลู่ง ฌางคูโคล๊งคู อี้ง, ม ซีงแฌ๊ แบ น เม้ง น แซ, ดี๊ ดู้งแบยางแบ แน้, บี่ซุ้ดี๊ น พู น ลี้ง โพล้ง อีซลาเอง, ดี๊ บี่ซุ้ อ ซื๊งเว๊ซีง ม ซีงแฌ๊ เว๊ โพล้ง กุ้ ทล่างโอ, พี่ จ ไต้ทาง-อ้ะ ดี๊ น เม้ง น แซ นอ ล้อ

1​กจุ้แฆว้ 8:39

อ นอ, เกม๊าเต้ น ช๊องแน-อ้ะ, ลู่ง มุ้คู พี่ เก น ล่าง โอ-อ้ะ นอ, ดี๊ เกม๊า น ทื๊งนี่นะนี่-อ้ะ ล ฌี้, เกม๊าเต้ ลู่ง น แม้ เอะ-อ้ะ, ดี๊ ดึ้ เกล๊าง เอะ-อ้ะ ท๊อง ล แฌ้ๆ, อ ทแม้ กุ้เม้ง, พี่ แน้ นอ น ซีงแฌ๊ อ เซิง อ ซ้ะ, (เมะเว๊ แน้ ล แฌ้ ล้อ, น ซีงแฌ๊ กโพล้ง กุ้ แฌ้ อ เซิง อ ซ้ะ)

อีซยา 43:21

เมะเว๊ โพล้ง อ ชื้อ พี่ ก ไต้ล้าง อ้ะ ลู่ง ก ฌ่าง แด เว๊ บี่ซุ้ อ เว๊ ม ไคล้ ท อางปฆ้า เฆ้อ