เกล้​ท​ซ้ะวี่ง 18:22 - Northern Pwo Karen Thai Bible

²² ท๊อง อี้ง ชู่งแย๊ โค๊ นอ, โพล้ง อีซลาเอง ล เฌ๊ฆ้าง เบ้า ลู่ง เด้ทโอซยองอล่าง แบ, ไค๊ไก้ะ อ ซื๊งเว๊ ม แบ ฮะนี่ อ ทเด้บ้ะ อ เตา ท้อง ลู่ง ม ซี๊ง

เกล้​ท​ซ้ะวี่ง 18:22 Referans Kwoze

เลวี​อ​ไฌ่ 22:9

อกย้องบี่นอ, อซื๊งเว๊ ซีง ลแพ, แบ แฌแซกต้าง ก ท อางแบเลา, บี่ซุ้ อ เว๊ ล แบ ฮะนี่ อเตาอแต๊, ลู่ง อ กแช่ แม้ แบอ้าล้าง อ ซ้ะ, ดี๊ ซี๊ง, พี่ อซื๊งเว๊ แม้ แบอ้า ทเทว๊ ลู่ง อฌี้อแอว้ นอ อ กย้อง แบ, เฆ้อ เมะเว๊ ยาเว, พี่ อางกี ฌี้ อซื๊งเว๊ เกม๊า อฌี้อแอว้ล้อ

เกล้​ท​ซ้ะวี่ง 18:7

เมะ แน้ ดี๊ กเย่ น พูแคว๊ นอ, เกม๊า น แม้ ซกุ้ เท่อ ลู่ง ทแม้ เก โพล้งลื่งเท่ออคู, ลู่ง ทแม้ กุ้เม้ง อ ฌ่าง, พี่ อ แบฆ้ะ ดี๊ ทลื่งล่าง, ดี๊ เท่อ พี่ อ โอ ลู่ง ตไก้ยะ กางทะ เท่อ อ พ้า นอ, เกม๊า น ซื๊ง โอ แม้เท่อไพ้ะเท่อ, แย้, จ เกล๊าง เอะ น ซื๊ง ทแม้ เก โพล้งลื่งเท่ออคู, เก ทเกล๊าง, แบเด้าะ โพล้ง อ แฌ้แพ พี่ อ เฌ๊ฆ้าง เบ้า นอ ม แบ ซี๊ง ล้อ”

เกล้​ท​ซ้ะวี่ง 3:38

เมะ โพล้ง พี่ ม แม้ ทาง อ เด้, ลู่ง เด้กแช่แยว้อล่างโอ อ ฆ้อง มื่ง ทาง ล โค๊, ฆ้าง ดี๊ เด้ทโอซยองอล่าง อ เมะแซ พ้า, ล แพ้ แย๊ มื่ง ทาง นอ, โอ เว๊ แด โมเซ ดี๊ อาโรง, ดี๊ กเย่ อาโรง อ พู อ ลี้ง, อ ซื๊งเว๊ แม้ เท่อ ลู่ง ทแบ้แยว้ล่างลู่งอฌี้ พ้า, ดี๊ ทแม้ กุ้เม้ง พี่ อ แม้คิ้ เท่อ ลู่ง โพล้ง อีซลาเอง อ ฌ่าง, โพล้ง อ แฌ้แพ เมะ เฌ๊ฆ้าง เบ้า นอ ม แบ ทแม้เตา-อ้ะ ท่อง อ ซี๊ง ล้อ

เกล้​ท​ซ้ะวี่ง 3:10

เกม๊า น ต๊างทาง อาโรง ดี๊ อ พูแคว๊ ซีงลแพ นอ แม้ แยว้ อ เท่อ, เก โพล้งลื่งเท่ออคู, แบเด้าะ โพล้ง อ แฌ้แพ เมะ เฌ๊ฆ้าง เบ้า นอ, ม แบ ทแม้เตา-อ้ะ ท่อง อ ซี๊ง ล้อ”

เลวี​อ​ไฌ่ 20:20

โพล้ง แคว๊ พี่ แฌ้ เล้, เมะ มี๊ง ดี๊ อ ม้างโจ้ อ แม๊ นอ, อ เว๊ แม้ ทางโพล อ ม้างโจ้ อ ทกดื้งกทะ ล้อ, อ เว๊ คี๊ง แฌ้ แบ โท่งก้ะ อเตาอแต๊, อ เว๊ คี๊ง แฌ้ ม ซี๊ง พี่ อ พู ล โอ น่างแฌ้ แบ

ทไจทางไฆวะ 28:43

เกม๊า อาโรง ดี๊ อ พู ซุ้ทาง เว๊ พี่ อ ลี้ฆ้าง ลู่ง เด้ทโอซยองอล่าง, ดี๊ ลี้ฆ้าง เบ้า ลู่ง ทลื่งล่าง พี่ ม แม้ แยว้ อ เท่อ ลู่ง ทล่างฌี้ล่างแอว้ พ้า, เมะ ล แม้ บี่นอ แบ, ไค๊ไก้ะ อซื๊งเว๊ ม แม้ ทเด้บ้ะ ฌ้อง ม ซี๊ง, ท ล ไฌ่ อี้ง นอ ม๊า อ เก ท อเค้อะอต้าง ล้างชู้ล้างแกย ลู่ง อซื๊งเว๊ ดี๊ อชื้ออชะ นอ อ ฌ่าง