เนฮะมี 9:1 - Northern Pwo Karen Thai Bible

¹ ลู่ง มื่ง คี๊งชี๊ง ลี่ง นี้ง ล นี้ง พ้า แล้ ล เบง แย๊ อี้ง นอ, โพล้งเฌงพูฆ๊างพู อีซลาเอง โอซยอง โละซ้ะ ดืงอาง เท่อ, ดี๊ ซุ้ ตไก้ยะกเซ้าะ, ดี๊ แม้นี่ ฌางคู พ๊าทาง เว๊ อ คู ล้อง

เนฮะมี 9:1 Referans Kwoze

เนฮะมี 8:2

เอซรา โพล้งลื่งเท่ออคู, เฌ๊โชะ ทอางแม้เลา ลู่ง โพล้ง น๊างมู๊ง อ เมะแซ พ้า, เลา ดี๊ อ แคว๊ อ มืง, ดี๊ กเย่ โพล้ง พี่ ช๊องแน ฌ้อง แน เว๊ ซี, ลู่ง มื่ง อ ต้องคู ล นี้ง แล้ เนว๊ เบง ล เบง พ้า

เอซรา 8:23

อกย้องบี่นอ, ก โก้งอาง เท่อ, ดี๊ อางโฆอางแย๊ ก กแช่แยว้ ลู่ง ท ล ไฌ่ อี้ง อ ฌ่าง, ดี๊ กแช่แยว้ คุ้ช๊องแน ก ลู่ง กุ้ทาง เท่อ นอ ล้อ

โยชูวา 7:6

โยชูวา ซย๊างยะ ล้าง อ ไช๊ อ ช้าง ซย๊องล้าง อ ซ้ะ, อ เมะ ท้องล้าง ฌางคู คู, ลู่ง กแช่ยาเว อ ไฮะ อ เมะแซ พ้า ท้อง มื่งแฌล้างโค๊, เลา ดี๊ อ เว๊ ดี๊ โพล้ง อีซลาเอง อเม้งอแซย่, พ๊า ทาง ฌางคู มูง ลู่ง อ คู ล้อง

1ซามูเอง 4:12

โพล้ง แคว๊ เบงยามีง โอ ล แฌ้, โอนี่ ลู่ง ทดึ้ซึ้ ล่าง อ ช๊า ลี้ ซยู๊ ท้อง ลู่ง ชิ้โล ล นี้ง ฆ่าง นอ, อ ไช๊ยะช้างเทะ ดี๊ ฌางคู โอ อ คู ล้อง

อีซยา 22:12

ดี๊ ล นี้ง แย๊ นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ กุ้นี่ เกม๊า ฌางชูฌางช้าง ดี๊ ฌางล้างย้าล้าง เลา ดี๊ เกม๊า คูฆีง โต้งโล้ง ดี๊ ซุ้ ตไก้ยะ เต่ กเซ้าะ

โยบา 2:12

พี่ อ ซื๊งเว๊ซีงลแพ แด โยบา ไย้โยะ นอ ล นาง แบ เว๊ ล้าแบ, ดี๊ ฌางซย้ะทาง เท่อ, ล แฌ้ๆ, ซย๊างยะ ล้าง อ ไช๊แค่ พ้ะโท๊, ดี๊ พ๊าทาง ฌางคู มูง ลู่ง อ คูด้าง

เอซเทอ 4:16

“ลี้ แดเทา, เกม๊า กุ้ซยอง นี่ โพล้ง ยู เลาพะ, พี่ อางฆื๊ง แด-อ้ะ ลู่ง ซูซา พ้า, ดี๊ ดืงอาง ทอางทโอ้ ลู่ง จ ฌ่าง, เกม๊า อาง เท่อ ดี๊ โอ้ เท่อ ล ฌี้ ซ๊านี้ง, เลา มแน้ เลา มแช๊, แย้ ดี๊ จ เพล่ มืง ม ดืงอาง ทอางทโอ้ บี่ซุ้ดี๊ แน้ ปะ, ฌ้อง นอ จ ม ลี้ฆ้าง โอ กจุ้แฆว้, ทึเมะ อ เก ทลือค๊างพะ ทอางกีล้าง ฌี้ๆ, จ เมะ แบ ซี๊ง ฌี้ นอ, จ ม ซี๊ง ล้อ”

เอซเทอ 4:3

ดี๊ เว่งดูคล้องโท๊ พ้า กุ้ จอง, พี่ กจุ้แฆว้ อ ทอางแบเลา ดี๊ อ ไละ อางแบเลา เท่อ ลี้ท้อง นอ, โอ ดี๊ ทแบมองแบม้ะ ลู่ง อีซลาเอง ซีงลแพ อ แกล้ น้ะ มะ, ดี๊ โอ ดี๊ ทดืง อาง ทอางทโอ้, โอ ดี๊ ทฌาง, ดี๊ ฌางล้างย้าล้าง, ดี๊ ตบลึ้ แฌ้ ได้ะ นอ, มี๊งน้าง เต่กเซ้าะ คู ดี๊ พี๊แคล คู

2ทกวิ้ไน 20:3

เยโฮชาฟา ซ้ะเม เว๊ ดี๊ เฌา อางฆื๊งนี่ กแช่ยาเว, ดี๊ โล้ล้าง เท่อ เกม๊า ดืง อาง เท่อ เฆ้ง ค่าง ยูดา พ้า

2ทกวิ้ไน 7:10

ลู่ง มื่ง คี๊ง ชี๊ง ซ๊า นี้ง ล นี้ง พ้า, ลู่ง แล้ เนว๊ เบง ล เบง พ้า นอ, ซาโลโม เกม๊า โพล้งเฌงพูฆ๊างพู ไท้ ลู่ง อ กแช่ อ เด้า อ ล่าง, โอ ดี๊ ทเซิงฆวี๊งซ้ะโย้, ดี๊ ทมึเซิงมึซ้ะ, ลู่ง ทอฌี้ พี่ กแช่ยาเว เนโพลทาง เอะ ดาเว ดี๊ ซาโลโม, ดี๊ กแช่แยว้ อ พู อ ลี้ง โพล้ง อีซลาเอง ลแพ อี้ง อ กย้อง นอ ล้อ

2​ซามูเอง 1:2

ลู่ง มื่ง ซ๊า นี้ง ล นี้ง พ้า นอ, แคว่เซ้อ, โพล้ง แคว๊ โอ ล แฌ้ โอ ลู่ง ซาอู อ ทล่างโอซยอง พ้า เฌ๊, ซุ้ ไช๊ ช้าง ยะปวิ้ ดี๊ ฌางคู มูง โอ อ คู ล้อง, ท่อง อ เฌ๊ ท้อง ดาเว อ โอ นอ, ซย๊องล้าง อ ซ้ะ อ เมะ ท้องล้าง ฌางคู คู

โพล้งต้ะเซ๊งเท่อ 20:26

ฌ้อง กเย่ โพล้ง อีซลาเอง เมะเว๊ ซึ้พูมู๊ง ลี้ทาง ลู่ง เบเอง ดี๊ ฌางล้างย้าล้าง, อ ซื๊งเว๊ ชี๊น้าง โอ คุ้ กแช่ยาเว ดี๊ ดืงอางดืงโอ้ เท่อ ท้อง มื่งแฌล้างโค๊, เทว๊ ทลื่งทาง เช้า ทพูแฆ่ น๊างดื้ง ดี๊ ทลื่งทาง แม้ฆู๊งแม้พุ้ เท่อ เอะ กแช่ยาเว

เลวี​อ​ไฌ่ 23:39

“ลู่ง มื่ง ล ชี๊ง เย่ นี้ง, แล้ เนว๊ เบง ล เบง พ้า, พี่ น ฆี๊นี่ ทดุ้ทแล, ทซูงทแซ, ลู่ง ที๊งล่างค่างพ้า, เฌ๊ไท้ โชะ-อ้ะ เย้า นอ, เกม๊า น โอ ดี๊ ทไฌ่ แม้มึอางอวีง เทว๊ เอะ กแช่ยาเว เนว๊ นี้ง มื่ง อ วี่งคู ล นี้ง นอ, เกม๊า น โอไปว้ะโอแซ, ดี๊ มื่ง โฆะ นี้ง ล นี้ง นอ, เกม๊า น โอไปว้ะโอแซ ปะ

เลวี​อ​ไฌ่ 23:34

“เกม๊า น โล้ เอะ โพล้ง อีซลาเอง บี่อี้ง, ลู่ง มื่ง ชี๊ง เย่ นี้ง ล นี้ง พ้า, แล้ เนว๊ เบง ล เบง อี้ง นอ, เก มื่งนี้ง แม้ ทไฌ่ โอ เด้พู พ้า เทว๊ เอะ กแช่ยาเว, เลาพะ นอ เก เนว๊ นี้ง

ท​เน​โพล​ทาง 11:3

แย้ จ ม เกม๊า เอะ จ พีงญาง คี๊ง แฌ้ นอ โอ ดี๊ อ ดู้ง อ ยาง, อซื๊งเว๊ ม ไต้ ทาง อ ซ้ะ ดี๊ ตไก้ยะ กเซ้าะ ฌ้อง ม โล้ ล้าง กแช่ แยว้ อ ลู่ง อ แท๊ ล ม๊า คี๊ง แย้ ฆู๊ง ชี๊ง นี้ง”

1ซามูเอง 7:6

อ ซื๊งเว๊ซีง แพโซง โละอซ้ะ ลู่ง มีซปา พ้า, ดี๊ อางเดิงนี่ ที๊ง ลู๊งล้าง เว๊ ลู่ง กแช่ยาเว อ เมะแซ พ้า, ดี๊ โก้ง อาง เท่อ ล นี้ง แย๊ นอ, ดี๊ ไคล้ เท่อ พี่ นอ ไจ้ะเว๊, “เฆ้อ ซีงลแพ อี้ง ก แม้ เด้บ้ะ แบ กแช่ยาเว”, ดี๊ ซามูเอง ต้ะเซ๊ง เอะ โพล้ง อีซลาเอง อ เท่อ ลู่ง มีซปา พ้า

เอซรา 8:21

ฌ้อง แย้ จ โล้ล้าง เท่อ เกม๊า โก้งอาง เท่อ พี่ นอ, เมะเว๊ ลู่ง ที๊งกล้อง อาฮ้ะวา, บี่ซุ้ เฆ้อ ซีงลแพ ม นี่ ชางล้าง ซ้ะ ดี๊ ก กแช่แยว้, บี่ซุ้ ม อางท่าง นี่ เกล้ ดี๊ กแช่แยว้ พี่ อ แบเมาะ ลู่ง ก ฌ่าง, ก พู ก ลี้ง อ ฌ่าง, ดี๊ ก ทฆ้าทโฆ่

โยเอง 2:12

กแช่ยาเว ไจ้ะเว๊ บี่อี้ง, “ทึเมะ บี่นอ ฌี้ นอ ค๊องเนงอี้ง, เกม๊า น ซื๊ง เฌ๊ไท้ฌูงไท้ เฆ้อ เลาเซิงเลาซ้ะ ดี๊ ท ดืงอาง ทอาง, ทฌางทย้า, ดี๊ ท ฌางอีงฌางเอ้า