มาร้ะกู 12:2 - Northern Pwo Karen Thai Bible

² ท้อง อ มื่ง อ แค๊ แบ อาง ดิ้ ซไบ้ะ แซ เย้า นอ, เจ่ ทาง อ เพล่ ล แฌ้ ลี้ แม้ นี่ ท แซ ดี๊ โพล้ง แม้แพ โซ๊ง นอ ล น้าง

มาร้ะกู 12:2 Referans Kwoze

ฮีบรู 1:1

ลู่ง อ ไยะ แค๊ อู้ง กแช่ แยว้ เกม๊า โม ไคล้ คิ้-อ้ะ ล แพ นอ, ไคล้ ดี๊ ก พี๊ง ก พู๊ง ลู่ง เอะ อู้ง ตบลึ้ พ๊า ตบลึ้ มยู๊

ลูกา 20:10

ท้อง อ มื่ง อ แค๊ แบ อาง ดิ้ ซไบ้ะ แซ เย้า นอ, เจ่ ทาง อ เพล่ ล แฌ้ ลี้ ฌู โพล้ง แม้แพ โซ๊ง บี่ ซุ้ อซื๊งเว๊ ม เกล๊าง ไท้ เอะ-อ้ะ อ ซูง อ แซ ล น้าง, แบ เด้าะ โพล้ง แม้แพ โซ๊ง ล แพ นอ ฌึ้ เว๊ ท่าง เว๊ อ เพล่ ล แฌ้ นอ, ฌ้อง โฌ๊ ไท้ เว๊ โปล้ๆ, ล้อ

ลูกา 12:48

แบ เด้าะ เพล่ พี่ ล ซีงแฌ๊ อ กแช่ อ ซ้ะ แบ, ดี๊ แม้ เท่อ ลู่ง อ เกิ้ง แบ พลี-อ้ะ นอ, อ เว๊ ม แบ ท พลี-อ้ะ ท่าง-อ้ะ แซย้ โคะ ล้อ, โพล้ง พี่ อ นี่ แบ เท่อ แอ นอ, ม แบ ท แม้ นี่ ไท้ อ เท่อ แอ ล้อ, โพล้ง พี่ อ แบ ทอางกี ล้าง เอะ-อ้ะ แอ นอ, ม แบ แคว่ เท่อ แอ ล้อ

ม้ะทู 21:34

ท้อง อ มื่ง อ แค๊ แบ อาง ดิ้ ซไบ้ะ แซ เย้า นอ, เจ่ ทาง อ เพล่ ลี้ ฌู โพล้ง แม้แพ โซ๊ง ม แม้ นี่ ท แซ นอ

เซคารียา 7:7

ลู่ง ล ว๊าง แย๊ พี่ เยรูซเลง, ดี๊ เว่ง พ้องวะ นอ, โพล้ง เปิ่งโอเปิ่งช๊อง เว๊, ดี๊ เกทางเกโท๊ นอ, เนเกะ ดี๊ ทล่าง จ้องม๊อง เชเฟลา นอ โพล้ง โอ เว๊, ทไคล้ ลแพ อี้ง, เก ท อลู่งอแท๊ พี่ กแช่ยาเว โล้ล้าง เว๊ ดี๊ โมไคล้คิ้กแช่แยว้ ลู่ง แย๊ ล ว๊าง อู้ง, ล เมะ แบ-อ้า? ’, ”

มีคา 7:1

เฆว๊, แย้ จ กแช่, เมะเว๊ จ เก บี่ซุ้ดี๊ โพล้ง พี่ ไจทาง ลี้ อางชุ้ นี่ ทซูงทแซ ลู่ง ทคู่แค๊ บี่ซุ้ดี๊ โพล้ง พี่ ไจทาง ลี้ อางชุ้ นี่ ซไบ้ะแซ ฌ้อง แด เว๊ ซไบ้ะแซ น๊างเชา ล โอ อาง แบ กูงเย้ แซ เม๊ง อ ต้องคู ล ว๊าง, พี่ แบเซิงแบซ้ะ นอ ล โอ แบ

เยเรมี 44:4

เม้งฌี้ๆ, นอ, ก นี่ เจ่ทาง กเย่ ก เพล่ ซีง ลแพ, เมะเว๊ โมไคล้คิ้กแช่แยว้ ลแพ นอ, เฌ๊ ลู่ง น โอ พ๊าๆ, เย้า พ๊าๆ, เด้าะ ไจ้ะเว๊, ‘อวีงซ้ะชู้ แม้ เท่อ พี่ อ ล้าง ซ้ะลูซ้ะไล้ะ, พี่ ก แช๊เมะไฌ๊ซ้ะ-อ้ะ อี้ง ล ฌี้’

เยเรมี 35:15

ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ

ทอางปฆ้า 1:3

อ เว๊ เก บี่ซุ้ดี๊ เซง มื่งเทิง, พี่ เซิงล้าง ลู่ง ที๊ง พ้าไท้ะ พี่ ซูงทางแซทาง แบ อมื่งอแค๊ ดี๊ อ แล ล ล้างไย้ะล้างไฆ๊ แบ ทกุ้เม้ง พี่ อ แม้ เว๊ นอ, เกทางเกโท๊ เว๊ แด ล้อ

เอซรา 9:11

พี่ น โล้ เว้-อ้ะ ดี๊ น เพล่ โมไคล้คิ้ นอ บี่อี้ง, ‘ที๊งล่างค่างพ้า พี่ น ซื๊ง ลี้ นึฆ้าง โพะคอง-อ้ะ นอ, เก ที๊งล่างค่างพ้า ลู่ง อ แบอ้า, เป๊งนี่ ลู่ง โพล้ง กุ้ที๊งกุ้ค่าง อ ทแบอ้า, ลู่ง ที๊งล่างค่างพ้า ลแพ นอ อกย้อง, ดี๊ อ ซื๊งเว๊ อ ทล้าง แช๊เมะไฌ๊ซ้ะ, พี่ อ แม้ เว๊ ฆวี้ทะ เลาพะ, ล โค๊ ลู่ง อ ทุ้ อี้ง โค๊ แพ้ ท้อง อ ทุ้ อู้ง โค๊ แพ้, ดี๊ อ ซื๊งเว๊ อ ทแบอ้า นอ ล้อ

2ทกวิ้ไน 36:15

กแช่ยาเว เมะเว๊ อ ซื๊งเว๊ อ พี๊ง อ พู๊ง ลู่ง แย๊ อ กแช่แยว้, ไคล้ เท่อ เฌ๊ เว๊ ดี๊ อ ทมุ้พู นอ ดึ้ๆ, เมะเว๊ อ เว๊ ย๊างซ้ะ แบ อ พู อ ลี้ง ดี๊ อ กแช่ อ ล่างโอ

2​กจุ้แฆว้ 17:13

กแช่ยาเว เจ่ โมไคล้คิ้ ดี๊ โพล้งพ้ะเว้เท่อ กุ้ แฌ้, เกม๊า โล้ เอะ โพล้ง อีซลาเอง ดี๊ โพล้ง ยูดา อ เท่อ ไจ้ะเว๊, “วีงแซยไฆวะ น ซื๊ง ซ้ะ ดี๊ น เกล้, พี่ อ อ้า อ ซ๊าง ลแพ นอ ท่อง อ เลา, ดี๊ แฌแซกต้าง จ ทซองทซ๊าง, ดี๊ ท อเค้อะอต้าง, เกม๊า แม้โพะ จ ทอางแม้เลา, พี่ จ โล้ เอะ น พี๊ง น พู๊ง ลู่ง แย๊ อู้ง, ดี๊ พี่ จ โซ๊ง เอะ แน้, เฌ๊ เว๊ ลู่ง โม ไคล้คิ้ กแช่แยว้ อลู่งอแท๊ นอ”

มาร้ะกู 12:1

กแช่ เยซู อางด้อง ล้าง เอะ โพล้ง อ เท่อ ไจ้ะ เว๊, “โพล้ง แคว๊ โอ ล แฌ้ พิ้ นี่ อ โซ๊ง, เซิง ล้าง ซไบ้ะ มื่ง ลู่ง อ โซ๊ง พ้า, ร้อง ทะ เว๊ วะ ชวะ, เคิง นี่ ท พ้า พี่ อ ม ไย่ ซไบ้ะ แซ นอ อ ล่าง, ฌ้อง แม้ ทาง ท ล่าง คุ้แคว่ เท่อ พ้ะโท๊ ล โพลง, ท่อง อ ช๊าง เกม๊า โพล้ง แม้แพ อ โซ๊ง, ฌ้อง นอ อ กแช่ ลี้ ลู่ง ที๊ง ไย้ ค่าง ไย้ นอ ล้อ

มาร้ะกู 12:3

แบ เด้าะ โพล้ง แม้แพ โซ๊ง ล แพ นอ, พองนี่ เว๊ ฌ้อง ฌึ้ เว๊ ท่าง เว๊, โฌ๊ ไท้ เว๊ โปล้ๆ, ล้อ